OVILIBIHEDHE MMABASANI A OLALEYA

Mabasa Opaka Niwobo na Mutugumano wa Ttattamwa

Kadda yaka, onosasanyedhiwa na mutanene mutugumano wa ttattamwa obuwene onnivaha dhoja dhomuyani dhinnihagalaliha. Noona ninokosa masasanyedho a wawoba attu otene okala vamodha na iyo wi azinddiyele ofewa murima wa Yehova. (Masal 34:8) Anddimuwa a mulogo anele wiwananela marhe opakana niwobona.

KUDDUWALE

Labo na mutugumano wawo wa ttattamwa

Labo ninarome mabasa opaka niwobona

Mburo wa mutugumano w’odhowana mmabasani a olaleya

Wubuwela dhogana dhawo mmabasani aba

Muttu onfuniwe omuwoba

ONALOGE DHAVI?

Ogamala omulejela mwanamuralaya, kaloga dhahi:

“Ninkosa mabasa ankosiwa elabo yotene a opaka niwobo na mutugumano wa ttima vaddiddi. Labona, mudhidhiya, vina mburoya bubu olebiwe apa. Nigahiziveliwa vopitta wuwoona vamutugumanoni obu.”

OMULIBIHE DHAVI MUTTU OLAGIHILE EFUNELO?

Masiki niziwaga wi ninofuna wawoba attu enjeene va mutugumanoni obu, jofuneya okala txenjewa wi nimuzinddiyele oddule onlagiha efunelo.

Omamalelo wa sumana, jamakamaka opaka revista vamodha na niwobona.