YEDDELO YA AKRISTU

Onolabihedha Mulagiho Wovolowana mu JW.ORG?

Velani ninowaddamela goi enddimuwa, mabasa ehu a olaleya bomaguvela. (Gano 24:11, 12, 20) Wi nakamihedhe attu otene, enofuneya olabihedha kartau n’ovolowana mwinternetini wi anyene afanye maleboya mBibiliani vina avolowe mu site mwehu. Kartau ntti nikana kodiku enkamihedha ofanya vidiyu Ninimusunzelani Bibilia? vina onofanya niwobo ninloga sabwa ya nsunzo na Bibilia. Attu eena kanrumeela manivuru ehu mbwenye anofuna ovolowa mu site mwehu. Noona kukaanele manyazo wavaha attu kartau n’ovolowana mwinternetini. kuwattiyedhe kartauna abale ahinlagiha efunelo.

Akala ondowa wakose mabasa awo, nanda wafanya attu anlagiha efunelo kaloga dhahi: “ddikana elobo enfunimi wuvahani. Kartau ntti ninele wuttukulela mu website wehu, mwenemo muli miselu, mavidiyu vina dhilobo dhinjidhene dhihimpitxeliwa.” (Joau 4:7) Ninga kartau ntti n’ovolowana mwinternetini ning’ono, egahikala okaanaga wi ovahege mudhidhi-mudhidhivi.

[Kasha vanikukuni 8]

OVAHE KARTAU. . .

• ogavahaga onamoona wa mudila

• ogavahaga onamoona mmiburoni munkosiwa marhondda

• oganfanya muttu onvuruwana muselu wehu mbwenye ohinfuna manivuru