Kalabihedha Maromo a JW.ORG Mmalaleyoni

Omaromo wa saiti yehu munofwanyeya artigu vina mavidiyu anattukulela attu okana efunelo ya osunza Mazu a Mulugu. (Mer 13:48) Mwenemo ninofwanya miselu dhiniwanana na manotísia vina dhinubuwela obe dhinloga attu vaddiddi.

Onawodhe dhavi olabihedha maromo a jw.org omalaleyoni?

• Ovolowege mu saiti mudhidhi na mudhidhi. Katamela wona miselu dhiswa dhinfwanyeya nikuku noroma na saiti yehu vina otanalele mukalelo onawodhiwe olabihedha makaniya wi omukamihedhe muttu olagihile efunelo. (Wi oziwevi miselu dhina dhivuwihiwe epaddi ya maromo kaddiginya “Ver Mais.”) Oziwa miselu dhiswa dhili mu jw.org enele wukamihedha okana marhe maswa wi olabihedhe mmabasani a olaleya.

• Kalabihedha mitoma vina mavidiyu avuwihiwe omaromo wa jw.org wi oromena makani. Dhipano esi dhinele onikamihedha oziwa txini enubuwela attu a mmuruddani munlaleyihu.

• Kalagihe attuya maromo wa jw.org. Omutonyihedhe mitoma dhamakamaka vina omulagihe mukalelo wa olabihedha saiti yehu.

• Ovahedhele link. Attu ena kanfuna ologa na iyo, mbwenyi awene anokana efunelo ya ovolowa mu saitini mwehu. Kukanele manyazo wavahedhela attu ana efunelo link ya ovolowana omaromo wa jw.org obe link ya artigu enfwanyeya mu saitini mwehu.