MAFUMO A MAZU A MULUGU
Osaddeyiwa—Ezinddiyelo wa Okwela wa Yehova
Osaddeyiwa enokosa epaddi ya osunzihiwa, ottiya ejo enowiwanana vina na olagiwa vina otxinutxiwa. Yehova ononisaddeya wila nirumeliwe vamentoni vaye. (Rom 12:1; Aheb 12:10, 11) Mudhidhi onsaddeyiwehu txino enokalaga yorutxa orumela malagoya, mbwenye nigawiwelela ninele owodha okala attu omyala vina wakela mareliho. (Gano 10:7) Txini enfwanyela wubuwela abale ansaddeya vina abale ansaddeyiwa?
Abale ansaddeya. Anddimuwa a milogo, amambali na ena agafunaga omusaddeya muttu, amusaddeye na oderetu vina okwela dhawene ninga munkosela Yehova. (Jer 46:28) Masiki akala muttu onokosa yoddawa enddimuwa, enofuneya opimelela mukalelo wa omusaddeya vina asaddeyiwe na okwela.—Tito 1:13.
Abale ansaddeyiwa. Akala iyo ninosaddeyiwa, kanikoddeni malagoya, ottiya ejuwene ninofwanyela ovilibihedha wiwelela momaguva. (Gano 3:11, 12) Sabwa ya ohakwana, iyo notene ninofuna osaddeyiwa na mikalelo dhottiyana-ttiyana. Iyo ninosaddeyiwa modhela dhinengesihu mBibiliani obe dhinvuruwanihu mmatugumanoni. Dila dhina txino enele ofuneya osaddeyiwa na nikuru na anddimuwa a mulogoni. Muttu onrumela osaddeyiwa, omamalelowa onofwanya dila enimuttukulela wigumini.—Gano 10:17.
KOONA VIDIYU ‘YEHOVA ONALAGA ABALE ANAKWELIYE,’ OGAMALA WAKULE MAVUZO ANFWARELA:
Mweddelo gani wana Canon, nanda owodhile dhavi okosa matxinjo?
Yehova omusaddeyile dhavi n’okwela?
Yehova agawusaddeya orumele na mada meli
Ninsunzavo eni na yotagiha eji?