Olagihe Okwela Vamuralani

Okwela oli ninga kola enattiya anamudhi mumodhani. Vagakala okwela murala onoliba, anamudhe anowedda mumodhani vina anowiwanana. Amwazambo, ateliwi, na amambali ena onalagiha dhavi okwela vamuralani?

Mwazambo onawonihe okwela vamuralani modhela otanalela dhinimujombela mwadhiye, monelo waye vina ejile eniwamo iyene. (Ef 5:28, 29) Iyene onofwanyela wakwanihedha dhinajombela anamudhi epaddi yomaningoni vina yomuyani, eji enotaganyiheya na okosa webedha wa ntakulu sumana dhotene. (1Tim 5:8) Muteliwi onolagihe okwela vamuralani modhela omukurumuwela mamunaye vina ‘omuriha venjene.’ (Ef 5:22, 33; 1Ped 3:1-6) Oheli anofwanyelela olevelena na murima wotene. (Ef 4:32) Amambali analagihe okwela vamuralani modhela watanala aniwa vina wasunziha omukwela Yehova. (Olib 6:6, 7; Ef 6:4) Dhorutxa gani dhigumanana aninyu oskola? Txini dhinkosaga awene agagumana dhoweha? Anamudhi otene agalagiha okwela vamuralani, murala wotene onkala wobareleya vina ohagalala.

KOONA VIDIYU KALAGIHA VAMURALANI VAWO OKWELA OHINGOMA, OGAMALA WAKULE MAVUZO ANFWARELA:

• 

  Mamuni olagihe dhavi wi wanimutanala vina wanimukwela mwadhiye?

• 

  Muteliwi omutonyihedhi dhavi nriho mamunaye?

• 

  Okwela wa amanbali onwodha dhavi wika mazu a Mulugu muyubuweloni mwa anawa?