Okane Yogana Nigafiya Nsaka na Wubuwela Okwa wa Yezu

Yaka-yaka Anamoona a Yehova anozuzumela okala mumodhani vamuttuponi wa wubuwela okwa wa Yezu. Sumana dhing’onovi labona nihinatti vina nigavira iyo ninokana gari ya omuttittimiha vina omutamaalela Yehova sabwa ya yobolo. (Ef 1:3, 7) Motagiha, iyo ninozuzumela wawoba attu wi akale Vamuttuponiva. Ena anokosaga masasanyedho wi alabe ninga anamalaleya okamihedha mweri wa Marsu vina Abrili mwari mwa mawora 30 obe 50. Ogahiziveliwa wenjedhedha mabasa awo a olaleya mudhidhi wa Wubuwela okwa wa Yezu? Txini enawukamihedhe?

Enanikamihedhe okosa matadelo. (Gano 21:5) Vowi mudhidhi wa wubuwela okwa wa Yezu onowaddamela nikoseni matadelo ovanene. Karoma otanalela marhe anawodhe weyo wakwanihedha yogana yawo. Omukumbire Yehova wi awukamihedhe.​—1Jo 5:14, 15.

Ogahiziveliwa otanalela mikalelo dhina dha wunuwiha mabasa a olaleya mudhidhi wa wubuwela Okwa wa Yezu?