Onawodhe Dhavi Okana Murala Wowagalala?—Epaddi 2

Ayima mvaho wa Yehova. Iyene onjedhela wi amambali aalele deretu aniwa. Yehova onovaha malago aderetu wi akamihedhe amambali okosa ejuwene. Malago a Mulugu anowakamihedha ayima okosa mpaddi wawa wi murala wagalale.

1. Malago gani anavaha Yehova amambali?

Yehova onfuna wi amambali aakwelege aniwa vina atamelege mudhidhi mwinjene wa okalaga na awene. Iyene onfuna wi amambali, aabarelege aniwa vina alabihedhege magano a Bibilia wi alelena. (Gano 1:8) Onowawaddela dhahi amambali: ‘Mwalele aninyu na malago animuzivela Yehova.’ (Kengesa Éfeso 6:4.) Yehova onowagalala amambali agavirihagamo malago aba, iyene vina onokala wowagalalene amambali agattukula muttorho wo walela aniwa ahimpwattelihaga muttu mwina.

2. Yehova onavaha malago gani ayima?

Yehova onowawaddela dhahi ayima: “Murumelege dhetene dhinloga amambalinyu.” (Kengesa Kolosi 3:20.) Ayima agarihaga vina agawiwelelaga amambalawa, anomuttabiha Yehova vina amambali awa anowagalala. (Gano 23:22-25) Yezu wahivaha yotagiha yaderetu valiye mwana. Iyene wali muttu woligana, masiki dhawene kattiyile wawiwelela vina wariha amambalaye sabwa ya okala attu ohiligana.—Luka 2:51, 52.

3. Anamudhi anawodhe dhavi onfiyedha Mulugu?

Akala oli babi obe mayi, txibarene onofuna wi anawo amukwelege Yehova ninga munimukweliwe. Onawodhe dhavi okosa ejoya? Modhela okosa ejile enloga Bibilia: “Munere wasunzihaga aninyu, mufwaseyelagavi mmawani mwenyu, peno mweddaga, peno mugunantigi, peno muvenyaga.” (Olibiha 6:7) Osunziha oku entapulela wasunziha “veli-veli.” Akala onofuna wi anawo akoye elobo mmusorhoni, onofwanyela wasunzihaga veli-veli. Nona, nlebo ntti ninfuna niloge wi onofwanyela otamela mudhidhi wa ologaga na anawo sabwa ya Yehova. Monelo wapama bwa otamelaga mudhidhi sumana dhotene wi mukosege webedha wa ntakulu. Akala kamuna ayima, masiki dhawene munofwanyela otamela mudhidhi sumana dhotene wi mmusunzege Bibilia.

KASUNZAVI

4. Kalele anawo na okwela

Walela ayima elobo yorutxa vaddiddi. Bibilia anawukamihedhe dhavi? Kengesa Tiago 1:19, 20, mugamala mutanaalele mavuzo aba:

• Amambali anatonyihedhe dhavi okwela agalogaga na aniwa?

• Sabwaya jani babi obe mayi kanfwanyela omutxinutxa mwanaye balivi onyimuwene?a

5. Kabarele anawo

Wila wabarele anawo jamakamaka ologaga na awene sabwa ya mararuwo masiki ogakana manyazo òloga sabwa ya ejuwene. Karumiha VIDIYU, mugamala mutanaalele nivuzo ntti.

VIDIYU: Wabarele anawo mwa Dhotakala (2:58)

• Ekalelani elobo yorutxa amambali ologaga na anawa sabwa ya ogonihana?

• Amambali ena anloga na mukalelo gani na anawa sabwa ya ogonihana?

Ninga mwabazeli ologa Bibilia, elabo ya Satana enodhowavi bigattabwa na obure. Kengesa 2 Timóteo 3:1, 13, mugamala mutanaalele nivuzo ntti:

• Versu ya 13 enologa sabwa ya attu abure vina ninoziwa wi attuya abo ena anowararutxa ayima. Egalivi dhawene, ekaleleni yamakamaka amambali ologaga na aniwa sabwa ya ogonihana vina wasunziha ovibarela?

Wanziwa?

Anamoona a Yehova ahikana manivuru menjene anakamihedha amambali ologaga na aniwa mwaha wa mararuwo vina wasunziha mukalelo wa ovibarela. Koona dhotagiha dhina:

• Wabarele Anawo (vidiyu)

• Aprende do Grande Instrutor, Kapitulu 10 na 32

• “Como falar com os seus filhos sobre sexo” (Despertai!, n.º 5 de 2016)

6. Kaariheni amambalenyu

VIDIYU: Ddinawodhe Dhavi Ologa na Amambalaga? (2:19)

• Ekaleleni yaderetu azombwe ovilibihedhaga wi alogege na amambalawa?

• Muzombwe onawodhe dhavi wariha amambalaye agaloga na awene?

Kengesa Gano 1:8, mugamala mutanaalele nivuzo ntti:

• Muzombwe onawonemo dhavi amambalaye agamwaddela enfwanyeliye okosa?

7. Kamwebedhe Yehova vamodha na anamudhi awo

Anamoona a Yehova anotamela mudhidhi sumana dhotene wi akose webedha wa ntakulu. Webedha oku onkosiwa dhavi? Karumiha VIDIYU, mugamala mutanaalele mavuzo aba.

VIDIYU: Webedha Wantakulu—Dhorutxa vina Dhopurelamo (8:04)

• Anamudhi anawodhe dhavi okosa masasanyedho owakwana wi akaanege webedha wa ntakulu?

• Amambali anakosihe dhavi webedha wa ntakulu okala woziva vina wakamihedha aniwa?—Koona foto omaromo wa nsunzo ntti.

• Mwa mpaddi wawo txini egadhile orutxiha okosa webedha wa ntakulu?

Nsaka nawale Yehova wafuna wi nlogo na Izrayeli nisunzege wili-wili malebo. Kengesa Olibiha 6:6, 7, mugamala mutanaalele nivuzo ntti:

• Onawodhe dhavi olabihedha nigano ntti?

Mikalelo dha okosa webedha wa ntakulu:

• Osasanyedha matugumano a mmulogoni.

• Wengesa mapadduwo a mBibiliani vina otanaalela.

• Akala ohikana ayima ang’ono katitiha obe opide epaddi ya atividade para crianças eli mu jw.org.

• Akala ohikana ayima ali azombwe kaloga na awene sabwa ya artigo para adolescentes ali mu saitini jw.org.

• Otagiha mapadduwo ali mBibiliani na anawo.

• Wona vidiyu ya mu saitini jw.org vina mutanaalele.

OGWADDELA

Yehova onfuna wi; amambali akwele, aalele vina abarele aniwa; ayima awiwelele amambalawa vina arihe; murala wotene omwebedhege iyene.

Kobuwela Dhisunziliwe

• Amambali anawodhe dhavi walela vina wabarela aniwa?

• Ayima anawodhe dhavi watonyihedha nriho amambaliwa?

• Ekaleleni yaderetu okosaga webedha wa ntakulu sumana dhotene?

TAMELÁ ONONELAMO DERETU

Masunziho gani anawodhe wakamihedha anawo agonuwaga?

“Seis lições para ensinar ao seu filho” (Despertai!, n.º 2 de 2019)

Koona malago anavaha Bibilia abale anakoya amambalawa owunuwelavo.

“O que é que a Bíblia diz sobre tomar conta de pais idosos?” (mitoma dha mu jw.org)

Koona emukamihedhile mulobwana dhahi wahaziwa walela ayima odha okala babi wapama.

Yehova Ohinivaha Malago a Weddihana Murala Wehu (5:58)

Koona enamukamihedhe babi okana mandano oliba na anaye.

“Como é que um pai se pode manter achegado ao seu filho?” (A Sentinela, 1 de Novembro de 2011)