Dhowakula dha Mabasa na Yeddelo Yehu ya Okristu
7-13 YA OTUBURU
MAFUMO A MAZU A MULUGU | TIAGO 3-5
“Weddena Ononelamo wa Wirimu”
(Tiago 3:17) Vano ononélamo ondha odhulu, onkala wothorhorha voroma-vene, ngamala onódhana murenddele, onovyeviha, onokurumuwa, onodhala thagaraga, milima dhapama, kunna nsakulano, kunna ekalelo yovita maleba.
cl 221-222 ddima 9-10
“Ononélamo Ondha odhulu” Onowupurhihamo?
9 ‘Voroma-vene onkala wothorhorha.’ Okala wothorhorha, kuloga kuna suzu, kuna nodda, kahiye otakuluvi, mbwenye na mwarimwa. Bibilia onologa wi ononelamo onlaba mumodhani na murima, masiki dhawenevi, ononelamo oku kunddowa mmirimanimwa okuputhagamo obure wetene olimo obe dhotakala dhotene dhinfwanyeyamo. (Gano 2:10; Mateu 15:19, 20) Mbwenye akala murima wehu bokoddela, obe nilogeni dhahi, akala murima wehu onowidda obure ofiyedha vanwodhelani ninga murima wohakwana—ninela okana ewodhelo —ya orebetha ‘dhotakala nedagana dhapama.’ (Masalmo 37:27; Gano 3:7) Kunrumela wi ozuzumela okoddeliha murima, ekalelo ya ononelamo onelegeliwa voroma-vene? Akala iyo kaninkoddeliha omulabela wehu Mulugu vina akala kaninkoddeliha murima wehu ninawodhe dhavi weddana ononelamo ondda wirimu?
10 “Ngamala onódhana murenddele.” Ononemo wa wirimu ononikosiha otamela weddagana murenddele, obuwene oli mulima wa muya wa Mulugu. (Galásia 5:22) Iyo ninokosa guru dhotene wi ninanyanyale murenddele wehu obuwene ‘onnikaliha mumodhani.’ (Éfeso 4:3) Vagakala magudulano, ninotamela wandanihana. Ejiya ekaleleni yofuneya vaddiddi? Bibilia onologa: ‘Tamelaní . . . weddaga na murenddele, dhahene Mulugu onvaha okwela na murenddele onokalavi na nyuwo.’ (2 Korinto 13:11) Nigeddagana murenddele, Mulugu onela okala na iyo. Mweddihedho onaweddihana iyo alabeli akwihu, onopatha omwebedha wehu Yehova. Ninawodhe dhavi okala athu antamela murenddele? Karoma wona yotagiha modha.
(Tiago 3:17) Vano ononélamo ondha odhulu, onkala wothorhorha voroma-vene, ngamala onódhana murenddele, onovyeviha, onokurumuwa, onodhala thagaraga, milima dhapama, kunna nsakulano, kunna ekalelo yovita maleba.
cl 223-224 ddima 12
“Ononélamo Ondha odhulu” Onowupurhihamo?
12 “Onokurumuwa.” Okala wokurumuwa entapulela nni? Namasunza dhahi ohiloga wi enorutxa otapulela nzu nthi “okurumuwa” niromile ologiwa na elogelo ya egrego va nivuruni na Tiago 3:17. Akalawo anamatapulela atapulele nzu nthi na mazu awi, muthu “wofwewa murima”, “ohizuzuma” vina “onnonemo dhinapadduwela akwaye.” Muzu ononihedhamo atapuleliwena nzu nthi mu Tradução do Novo Mundo anoneliwamo ninga muthu “onmaguvela wathiyana akwaye ejile enfuniye.” Ninawodhe dhavi woniha wi ninoweddana ononelamo oku wa wirimu mwigumini mwehu?
cl 224-225 ddima 14-15
“Ononélamo Ondha odhulu” Onowupurhihamo?
14 ‘Onozuzumela Wiwelela.’ Nzu n’Egrego nitapuleliwana mazu aba ‘ozuzumela wiwielela’ kaninfwanyeya mpaddi mwina wa Malebo Egrego Okristu. Namasunza dhahi, wile mazu aba anlogiwetxa “agaddiwagana malago anvahiwa anyakoddo.” Anlogiwana ekalelo ya “orumela enfuneya n’omaguva”, obe “wiwelela.” Ole onrumela weddihiwa na ononelamo wa wirimu, onorumela dhotedhene dhinloga Malebo. Iyene kanziwiwa ninga saragundale, odduwene ongana ovirihamo mazu a Mulugu, agafwanya makathamiho, onyanyala ovirhihamowa. Mothiyana-mwene, muthu oneddana ononelamo wa wirimu, oli womala-nawale wi arumele malago-malagovi anvahiwiye na Malebo, agoniwa wi ohiroma opupuruwa obe agoniwa wi ohiroma weddana obure. Weyo onziwiwa n’ekalelo gani?
“Onodhala Thagaraga na Milima Dhapama”
15 ‘Onodhala thagaraga na milima dhapama.’ Thagaraga mulima wathima enddimuwa vaddiddi wa eziwelo ya wirimu, “edhale thagaraga.” Wubuwele wi “thagaraga” na “milima dhapama” dhinedda mumodhani. Kadhimvarana, sabwani mBibiliani, munlogiwa thagaraga addiwagana muthu ona ekalelo ya wazuzumela akwaye; ozuzuma oku onomukosiha wakamihedha, ninga munziwelihu, okamihedha merelo apama. Nivuru dhahi, ninloga wi thagaraga “omukubanyedha muthu oli mmakathamihoni, vina ekalelo ya ofuna okosa elobo-txilobo ya omukamihedhana mutabuwiya.” Nona ononelamo wa wirimu, kunsegedha, kahiye wawobana, nne vina kahiye wi onkana aziwitxi. Ononelamo oku, kokurumuwa, wofwelana murima vina wowiwananeyana. Nonihe dhavi wi nihidhaleliwa thagaraga?
(Tiago 3:17) Vano ononélamo ondha odhulu, onkala wothorhorha voroma-vene, ngamala onódhana murenddele, onovyeviha, onokurumuwa, onodhala thagaraga, milima dhapama, kunna nsakulano, kunna ekalelo yovita maleba.
cl 226-227 ddima 18-19
“Ononélamo Ondha odhulu” Onowupurhihamo?
18 “Kunna nsakulano.” Ononelamo wa wirimu onovaha malago a orebetha ekalelo ya otanyana wa malogo vina widdana wa mazizi. Nigeddihiwa na ononelamo oku ninela orabela wathiyaniha athu. (Tiago 2:9) Ononelamo wa wirimu kunavaha thima athu ena sabwa ya osunza wawa peno orela wawa obe abale ana ethomo mmulogoni, nne vina kunna ekalelo ya watanya alabeli alihuna mumodhani. Akala Yehova ohoniha wi onowakwela, iyo vina ninofuniwana woniha wi ninowakwela.
19 “Kunna ekelelo yovita maleba.” Mazu aba “ovita maleba” n’elogelo y’Egrego alogiwana “athu amponya mpirha.” Wale, Agrego na akadda Roma agadhowaga oponya mpirha wa masaka abale, annabala dhabalo dhavita maningo awa otene. Nona mazu aba “ovita maleba” anlogiwana athu oniha ekalelo ya ogwarhagwambi, na athambiya. Iyo ninoziwa wi onenelamo wa wirimu “kunna ekalelo yovita maleba”, ohivita maleba oku kunoneya mwikaleloni enaweddiha iyo abalihu bahi, mbwenye ononeya vina mmubuweloni mwa muthu-muthu.
Nipepese Mafumo a Omuyani
(Tiago 4:5) Txibarene Bíbilia kanloga ebewene mazu aba: “Mulugu ononikwela ofiyedha onnulela aje, mwaha wa Muya onivahileye”.
w08 15/11 20 ddima 6
wa Karta ya Tiago na Karta ya Pedro
4:5—Apa Tiago onlogana nlebo gani? Tiago karomolevo nlebo. Mbwenye enoneya ninga yoleba eji yubuwelihiwe murumiwi oddu, enkala ninga walogana nlebo na Wita 6:5; 8:21; Gano 21:10; na Galásia 5:17.
(Tiago 4:11, 12) Amudhaga, muhabánege. Ole onimwaba mukwaye peno onimukona, onowaba, onokona nlamulo. Akala weyo onokona nlamulo, kulí namavirihamo wa anlamulo, olí namakona. 12 Onvaha nlamulo, onthonga, ddi mmodha bahi: Ole onwodha ovuna, onwodha okona. Ki weyo ol’ani onimuthonga mukwawo?
w97 15/11 20-21 ddima 8
Nroromelo Ninonivileliha Mmalobeloni
8 Onimwaba mulabeli mukwaye onomuthegela. (Tiago 411, 12) Txibarene, ahikalawo Akristu anakona alabeli akwawa; txino namabaya onimwaba mukwaye sabwa ya ekalelo yaye yofwarizi obe ekalelo y’ofuna okala muthu wa thima opitha akwaye. (Masalmo 50:20; Gano 3:29) Mazu aba ‘waba’ na elogelo ya Egrego, antapulela widdana vina omuloga bure muthu ohiddawile. Omwaba mukwawo enkala ninga omuthonga. Enlogeliwa nni wi “ole onimwaba mukwaye onokona nlamulo” na Mulugu? Yapadduwa yali yawi, anamasunziha malamulo na Afwarizi ‘ansaddula malamulo a Mulugu’, agamala awenene bagathonga na malamo awa. (Marko 7:1-13) N’ekalelo yakakene, akala iyo ninomukona mbalihu, oku eziweyaga wi Yehova kanna yammirimani na iyene, kintapulela wi ‘ninokona malamulo a Mulugu’, niddawaga na merelo awi malamulo a Muluguya kahiye ofwanyelela? Nona akala iyo ninowakona abalihu, ninolupa malamulo a okwelana.—Roma 13:8-10.
14-20 YA OTUBURU
MAFUMO A MAZU A MULUGU | 1 PEDRO 1-2
“Koddelani Murima”
(1 Pedro 1:14, 15) Kamufwarege monlelo a nsaka-ntho, neddinyu mwipipini. Vamentoni va Mulugu owithanileni, kalaní ana orumeya. 15 Iyene ddokoddela, nyuwo vina kalaní okoddela murima mmereloni mwenyu mwetemwene.
Yobolo ‘Nvaho Wowakwana’ Ondha wa Yehova
5 Ninalagihe dhavi wila ninoriha nzina na Yehova? Modheela yeddelo yehu. Yehova onfuna wila nikale okoddela murima. (Kengesa 1 Pedro 1:15, 16.) Ejo entapulela omwebedha vina omuttittimiha iyenevi na murima wotene. Nigafarafariwaga, nikose guru wi needde nifaraga dila dhinnisunziha Yehova. Nigeeddiha egumi yehu mowiwanana na malago a Yehova, ninolagiha nttittimiho vina oriha nzina naye. (Mateu 5:14-16) Ninolagiha viina wila malamulo aye bapama nanda Satana munyengetti. Vowi kanili attu oligana, dila dhinjene ninokosaga dhilobo dhovirigana. Mbwenye nigavonya ninofanyeela otxinuwa, vina nikose guru wila nihiyelele dhottega dhintakaliha nzina na Yehova.—Masalmo 79:9.
(1 Pedro 1:16) Bibilia onloga dhahi: Koddelani murima, vowi miyo ddili wokoddela.
Mukalelo Wa Osakula Ovega Waderetu
6 Paulo wahalaga Akristu o Roma: “Maningo enyu . . . keddihiwege vina na yothega.” Paulo vina wahapanga ‘opa mabasa a maningo.’ (Roma 6:12-14; 8:13) Mundduni mwa karta eji, wahiperheka dhotagiha dha ‘mabasa a maningo.’ Mwaha wa nlogo na athu nothega ninowengesa dhahi: “Mulomo wawa onloga dholava, dhowawa.” “Myeddo dhawa dhinoluluvela othamagela wapa athu.” “Kanna murima womova Mulugu,” obe ‘yomova Mulugu kinonea vamentoni vawa.’ (Roma 3:13-18, Nipagano Nipya) Mukristu anotakaliha maningo aye agalabihedhaga ‘vyano,’ dhaye na merelo aba oothega. Motagiha, nsaka na ovanene akala Mukristu onowoona na pudha dhilobo dhonyakuwa ninga athu bali yovi obe onowañgana athu bagapiwa na otabala, iyene ‘onoperhekela mento aye yothega’ venevo batakaliha maningo aye otene. Webedha wotene onkosiye onkala mukutho ohili viina wokoddela, Mulugu kanrumeela. (Olibiha 15:21; 1 Pedru 1:14-16; 2 Pedru 3:11) Onoputhuleya vaddiddi sabwa ya ovega na dhabure!
Nipepese Mafumo a Omuyani
(1 Pedro 1:10-12) Anamavuhulela a wale, valogani dha mvaho okoyeliwenyu na Mulugu, àloga dha ovulumutxiwa-wene oku; antamela ononelamo atibaga vopitha. 11 Awene ankosela guru onana nsaka, vina makalelo a mapadduwo awaddela Muya. Txibarene Muya wa Kristu wedda na awene, wanaziwiha mutanene masoso anamugwele Kristu, vina nthithimiho ninadhiye ofwanya osogorhowa. 12 Mulugu waanoniha namavuhulela wi esile dhalaleyani kadhali dhawa, dhiperhengezeliwe nyuwo. Apa nyuwo muthakeliwa dhilobo, dhininunleletxa anju ononelamo. Sisuwene dhidhilena anamalaleya mutha owuziwihani, eddihiwaga na Muya Wokoddela orumiwe odhulu.
w08 15/11 21 ddima 10
Otapuleliwa wa Karta ya Tiago na Karta ya Pedro
1:10-12. Anju anfuna vaddiddi ononelamo ebaribari yoviteya ejuwene yalebile anamavuhulela a wale yaloga witeya wa Mulogo wa Akristu othikitheliwa. Mbwenye ebaribari eji eromile ovituliwa muromele Yehova osasanyedha mulogoya. (Ef. 3:10) Kigali yothithimiheya vaddiddi iyo otagiha merelo a anju nizuzumelaga osunza “mobuwelo oviteya a Mulugu”?—1 Kor. 2:10.
(1 Pedro 2:25) Nyuwo wale mwali ninga mabila edda balala-balala, ddabuno mumwiyelela mukumbuzi wenyu, onkoya mirima dhenyu.
it-3 658 ddima 3
Mukumbuzi
Mukumbuzi Munddimuwa. Pedro woroma 2:25 onoromola nlebo na Izaiya 53:6 aladdanihaga abale anlaba ninga ‘akumbuzi a mabila anedda balala-balala’; vasogorhova Pedro ohiloga: “Ddabuno mumwiyelela mukumbuzi wenyu, onkweya mirima dhenyu.” Apa kinaganyedheya wi onlogiwana ddi Yehova Mulugu, sabwani abale alebele Pedro muselu obu ali athu eddavi na Yezu Kristu, mbwenye voroma-vene mabila aba aromile wiwananihiwa bathukuleliwa wa Yehova Mulugu, sabwani iyene ddi Mukumbuzi Munddimuwa wa Nlogo naye. (Masal 23:1; 80:1; Jer 23:3; Ezek 34:12) Ddi Yehova vina oli mwang’aneli, ddi iyene onvaha guru dhinkaliha. (Masal 17:3) Guru dhinkaliha (Egr., e·pi·sko·peʹ) dhinaddiwana gano dhaye dh’othongana, ninga motagiha, masaka zana oroma N.K. athu a nlogo na Jeruzalemi kakalele txenjewa siku ‘nidhile Mulugu wavuna [Egr., e·pi·sko·pesʹ].’ (Lk 19:44) Kowiliwa awene ali athu a malago, agahijavo ninga abale amuthithimiha Mulugu ‘siku na othonga waye [Gr., e·pi·sko·pesʹ].’—1Ped 2:12.
21-27 YA OTUBURU
MAFUMO A MAZU A MULUGU | 1 PEDRO 3-5
“Ogoma wa Dhetedhene Oli Vakuvi”
(1 Pedro 4:7) Ogoma wa dhetedhene oli vakuvi. Nona kalaní athu amalago, anziwa opimelela, wi mufwaseyele malobelo.
w13 15/11 3 ddima 1
“Mufwaseyele Malobelo”
MULOBWANA dhahi onlaba na mathiyu ohiloga: “Enrutxetxa ja okala wamentwene vati vagafunaga oya”. Athu ena akosile mabasa na mathiyu anorumela wi yologa ya mulobwana oddu ebaribari. Masaka abano ankalawo iyo Akristu anofwanyiwa magudulano akakene sabwa ya eddima enita Satana mwilaboni ejino, dhopadduwa dhotedhene dhinowoniha wi malogo a athu ali mwiddimani. (Rom. 13:12) Akala iyo ninotitela vang’onovi, mputhuweloya onaputhuwihu onakale wogurumeliha! Mazu aba awi “kalaní athu a malago” kahiye owaredhana, akalawo vina mena anfwanyela iyo okalela mento, aba awi kalani athu “anziwa opimelela, wi mufwaseyele malobelo.”—1Ped. 4:7.
(1 Pedro 4:8) Makamaka mweddegena okwelana, vowi okwela onothimiha dhothega dhinjene.
w99 15/4 22 ddima 3
Niwodhe Dhavi Ozinddiyela vina Ogonjiha Guru dha Muya wa Bure
Nikaneni ekalelo ya okana malago a weddana, murumiwe Pedro ohiloga: “Ogoma wa dhetedhene oli vakuvi. Nona kalaní athu anziwa opimelela, wi mufwaseyele malobelo. Makamaka mweddegena okwelana, vowi okwela onothimiha dhothega dhinjene.” (1 Pedro 4:7, 8) Enorutxa vaddiddi odduwala dhothega—dha athu akwihu vamodha na dhehudha—eji empadduwela sabwa ya iyo okala athu ohakwana, nona akwihu aganikosela elobo yonisirhidha, momaguva iyo ninogwela mmuregani wowaludduwela. Satana onoziwa vaddiddi murega obu. Enfunetxiye ja wavapa athu. Nona iyo ninofwanyela omaguvelaga wandanihana, nidduwalaga dhothega dhotene dhabalihu, ninjivihaga okwelana wi ‘nihimuthiye Satana onivolowa.’—Éfeso 4:25-27.
(1 Pedro 4:9) Muthambirhagane mmatakulu mwenyu, muhinyonyeyaga.
Elemelelo ya Wawakela Aleddo—Enofuneya Vaddiddi!
2 Yakokomedheli Pedro wi abali akose yali yawi ‘athambirhagane mmatakulu mwawa.’ (1Pedro 4:9) Mazu aba “othambirhana” na elogelo ya Egrego, kuloga “oziveliwana obe onfwewela murima mwana-wedda.” Pedro wahakokomeza abali na arogora wi ‘attambirhagane muttu na mukwaye,’ masiki vaziwanani vina vakalani vamodha akosaga mabasa vamodha. Wakelana wakamihedha dhavi?
3 Wakelana ogahakosiha okala mumodhani. Kito weyo? Onowubuwela labo nakanilewi gari ya wobeliwa vatakulu va muttu-muttuvi? Ogamobela muttu vatakulu vawo eji enowukosihani okala mumodhani. Akala ninfuna naziwe abali vamodha na arogora ehu, enaniziwihe awene ja wawakela mmatakulu mwehu. Wale akala makattamiho elopadduwa mwilaboni. Akristu anfuniwana okala mumodhani. Vowi ninkalawo “masaka omariha” ninofuniwana vina okosaga yakakene.—2 Timóteo 3:1.
Nipepese Mafumo a Omuyani
(1 Pedro 3:19, 20) Na guru yakene odhowa walaleyela ovulumutxiwa azimu afugeliwe [muya dhafugeliwe], 20 àligi anamavanya nsaka na Nowé. Oku Nowé amukungaga pangaya, Mulugu wanjyedha n’ovilela orugunutxa wawa murima. Mpo-mwá mudhilé ovuneya athu añgonoví, atanu na araru bahi, na guru dha manje amberhutxile.
w13 15/6 23
Mavuzo Ankosa Anamengesa
Bibilia onloga wi Yezu ‘odhowa olaleya muya dhafugeliwe.’ (1Ped. 3:19) Dhologadha esi dhinfuna dhininonihedhemo nni?
▪ Murumiwi Pedro ohizinddiyeliha wi muya esi sisile dhaligi “anamavanya nsaka na Nowé.” (1Ped. 3:20) Enoziweya-wene wi murumiwi oddu onlogana muya dhivitaganyihile na Satana musaringeleni mwaye. Juda vina ohaloga “anju abale arogele mpaddo wavahiwani, anyanyala mburho walani,” vasogorhova ohenjedhedhavo wi “Mulugu oamaga na pingwi dhihintapuleya, oavokela mwiddimani, àkoyelaga siku ninddimuwa n’othongiwa wawa.”—Juda 6.
Dhothanddiwa esi dhomuyani dhikale dhavi avanyi nsaka na Nowé? Mpulo ohinathi oroma, dhothanddiwa esi dhomuyani dhil’othiya mburho wakalani wirimu, badhivisaddula, dhidha okala athu—elobo yahali mwifuneloni mwa Mulugu. (Wita 6:2, 4) Anju aba agonihana na anayana a vati, ela wira dhotakala vamentoni va Mulugu. Mulugu kathanddile muya na efunelo ya ogonihagana na ayana. (Wita 5:2) Muya esi dhabure, na anjuya ali avanyi, anela otolotxiwa na Mulugu vansakaniva. Nona ovanene, ninga mulogele Juda, awene amala omagiwa na “pingwi dhihintatuwa”—kuloga afugeliwa mukambura.
Yezu olaleyile dhavi ‘muya esi dhifugeliwe’ vina olaleyile mudhidhi gani? Pedro ohileba wi eji epadduwile mmalele Yezu othikiteliwa “guru ya muya.” (1Ped. 3:18, 19) Wone, wi apa, Pedro onloga wi Yezu ‘ohilaleyela.’ Mwaha wa Pedro ologa wi iyene ohalaleya, eji enoniha wi Yezu olaleyile muya esi, Pedroyá ahinathi oleba yopadduwa ejile. Enoneya wi, mmalele-wene Yezu ovenyihiwa mukwani, iyene ohaddela muya dhabure mwaha wa otolotxiwa onapadduwele nsaka na othonga wa Mulugu. Keliwe wi awene alaleyeliwa wi asaddule merelo awa avuneye, nne-wene. Ela waddeliwa otolowa wawa. (Jona 1:1, 2) Yezu wahikana nroromelo nddimuwa vaddiddi, iyene ohifiyedha okwela nlogo na athu; ovenyihiwa waye mukwani ononiha wi—Ddiyabo kana guru dhomutolotxana—Yezu wahikana sabwa ya olaleya muselu obu wa okoniwana.—Jo 14:30; 16:8-11.
Nsaka na othonga wa Mulugu, Yezu onela ommaga Satana na anju aye amponyedhe mujehena. (Luka 8:30, 31; Ovuh. 20:1-3) Vowi nsaka nthi kaninafiya, muya esi dhabure dhili mwiddimani enddimuwa vaddiddi, vina otolotxiwa wawa oli vakuvi.—Ovuh. 20:7-10.
(1 Pedro 4:6) Jijene elaleyeliwe muthaka aliba okwa vina, wi athongiwe mmwilini mwawa ninga athu etene, ddabuno awodhe ojavo egumi ya Mulugu na guru dha Muya waye.
w08 15/11 21 ddima 8
Otapuleliwa wa Karta ya Tiago na Karta ya Pedro
4:6—“Aliba okwa” aba “alaleyiwe muttaka” anaddiwana ani?
Ba abale oniwa ninga àli ‘okwene mwaha wa dhovirigana dhawa.’ (Ef. 2:1) Mmalelani baroma ororomela miselu dhapama, si esuwene dhavahile muya ‘onkaliha.’
28 YA OTUBURU–3 YA NOVEMBURU
MAFUMO A MAZU A MULUGU | 2 PEDRO 1-3
“Onadduwale Siku N’odha wa Nabuya”
(2 Pedro 3:9, 10) Nabuya kangonela wira dhipikireliye, ninga munubuwela athu ena. Iyene onowuvilelani, vowi kanfuna orimela wa muthu nne mmodha; onfuna wi etene afwanye mudhidhi worugunutxa murima. 10 Siku na Nabuya ninadhe n’ekalelo ya mbava. Venevo erimu enere otolowa n’orúma ontwa omaruni, dh’odhulu dhinere onyuguluwa n’oviha, elabo na dhilimo dhinere ototowa.
w06 15/12 27 ddima 11
Yehova ‘Onela Odhana Oligana’
11 Iyo ninawodhe dhavi ononelamo nikuluveliho na Yezu nawi Yehova “onowaguvela” wavuna antabuwa? Iyene kanagonele wira epikireliye, masiki athu ena obuwelaga wi [Yehova] Mulugu ‘onogonelana wira’ dhimpikireliye. (Luka 18:7, 8; 2 Pedro 3:9, 10) Mufiyedhe mpulo nsaka na Nowé, atabala kaleveleliwe, atolotxiwa etene mwari mwa mudhidhi mung’onovi. Masaka a Lot vina ehipadduwa yakakene, mugwele motho odhulu atabala otene al’ototowa. Yezu ohiloga: “Esene sinapadduwe siku ninadhe Mwana-Muthu.” (Luka 17:27-30) Atabala anapadduweliwe yakakene awene anafwanyiwe “ahubuwelaga elo-wene.” (1 Tesalónika 5:2, 3) Mohaganyedha, iyo ninoziwa wi Yehova kanathiye elabo eji ya Satana odhawagavi bigatabutxa athu.
(2 Pedro 3:11, 12) Akala elabo enojyedha ototowa na makalelo abo, nyuwo ziwaní enfwanyelinyu wira: mweddege vamentoni va Mulugu n’ekalelo ya athu avilevele iyene. 12 Mujyedhege siku ninadhe Nabuya, aguvihani odhawá. Siku-ntho elabo ya wirimu enere otolotxiwa na motho, vineneri dhiliwo dhinerhe onyuguluwa na óviha.
w06 15/12 19 ddima 18
“Siku Ninddimuwa na Nabuya [Yehova] Nili Vakuvi”
18 Iyo kanintikina sabwa ya murumiwi Pedro onitutela wi ninofwanyela okala mento sabwani “siku na Nabuya nili vakuvi”! Ninakale dhavi mento? Enfwanyelihu wira voroma-vene ku weddaga “vamentoni va Mulugu n’ekalelo ya athu avilevele iyene.” (2 Pedro 3:11, 12) Ovilevela Mulugu onela oniwodhiha okala wowaralene ofiyedha vanadhe “siku na Nabuya.” Mazu aba awi “ziwaní enfwanyelinyu wira” na elogelo ya Egrego antapulela “omaguviha.” Iyo kaninwodha omaguviha siku na odha wa Yehova. Mbwenye akala ninozuzumela mabasa a Mulugu, kaninone ogonela wa siku ntho.—1 Korinto 15:58.
Nipepese Mafumo a Omuyani
(2 Pedro 1:19) N’eji, mazu a anamavuhulela bororomeleya opitha wale. Nyuwo munowira pama mvuruwanaga na malago. Mazuyá ali ninga panti, emmoneya veddímani mpaka vati oya.
w08 15/11 22 ddima 2
Otapuleliwa wa Karta ya Tiago na Karta ya Pedro
1:19—Bani onithaniwa ‘neneri ya membesi’, opattuwile mudhidhi gani, vina ninziwa dhavi? ‘Neneri ya membesi’ ddi Yezu Kristu, iyene ommoneya Mumweneni mwaye nowodha onddimuwa. (Ovuh. 22:16) Yaka ya 1914 Yezu ohithikitheliwa okala Mwene wa malogo. Siku nthile nisadduwile kove ya Yezu, yali ezinddiyelo ya nthithimiho na guru dha Omwene waye, osadduwa okule vina, wazinddiyeliha wakwanihedheya wa mavuhulo a Mulugu. Ofwaseyela osunza dhotedhene esi, onodhaliha mmurimani mwehu txedha; ninofiyedha oziwa wi Neneri Yamembesi ehiroma omoneya.
(2 Pedro 2:4) Mulugu kovelele wawoniha goyi anju athegile: oavokela muváyani munromoliwa jehena, muli eddima; oafugela mwenemo akoyelaga siku n’othongiwa.
w08 15/11 22 ddima 3
Otapuleliwa wa Karta ya Tiago na Karta ya Pedro
2:4—“Tártaro” txini, vina anju abure avokedhiwemo mudhidhi gani? Tártaro yologa enladdihiwa na ofugeliwa wa muya—kahiye athu—ampathiwa ofugeliwa oku. Ofugeliwa oku kahiye wokala mukamburha, ofugeliwa wawikiwa eddima yohiziwelamo dhogana dha Mulugu. Abale ali omburhoni obu wa Tártaro kana njedhelo na okalawo musogorho mundowihu. Mmasakani a Nowé Mulugu wahavokela mu Tártaro anju abure, ofiyedha siku ninatolotxiwani.