UTULIKILO WA MIKANDA HA INTERNET wa Watchtower
Watchtower
UTULIKILO WA MIKANDA HA INTERNET
Chokwe
  • MBIMBILIYA
  • MIKANDA
  • KUKUNGULUKA
  • 1 Samuele 4
  • Mbimbiliya—Yisoneko ya Chifuchi Chaha

Kukushi nichimwe chinema.

Lisesa, kwasoloka kapalia ha kwazulula chinema.

Yikuma yize yili mu Mukanda 1 Samuele

      • A-Filistea yatambula Mushete (1-11)

      • Eli ni ana jenyi yafwa (12-22)

1 Samuele 4:3

Tutalilo a Mikanda

  • Guia de Pesquisa

    Kaposhi wa Kutalila,

    9/1/2015, lif. 32

1 Samuele 4:19

Maliji a mwishi lia lifwo

  • *

    Hanji “yasema.”

1 Samuele 4:20

Maliji a mwishi lia lifwo

  • *

    Hanji “kaseleko mbunge.”

1 Samuele 4:21

Maliji a mwishi lia lifwo

  • *

    Lize linalumbunuka ngwo, “Uhenya kulihi uli?”

  • Mbimbiliya—Yisoneko ya Chifuchi Chaha
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
Mbimbiliya—Yisoneko ya Chifuchi Chaha
1 Samuele 4:1-22

Mukanda Utangu wa Samuele

4 Liji lia Samuele lialimwangine kuli A-Izalele eswe.

Chocho, A-Izalele yatuhuka hanga akase jita ni A-Filistea. A-Izalele yasa chilombo cho ku Ebenezere, A-Filistea yasa chilombo cho ku Afeke. 2 A-Filistea yaya mu yizavu ya kululieka kanawa hanga ase jita ni A-Izalele. Alioze, jita yapwile yikalu, A-Filistea yakumba A-Izalele, yashiha malunga 4,000 mu jita. 3 Muze maswalale ahilukile mu chilombo, makulwana a mu Izalele yamba ngwo: “Mumu liaka Yehova echa hanga atukumbe musono kuli A-Filistea? Tuyenu ku Shilo tukasake Mushete wa Usendo wa Yehova hanga upwe ni yetu, utulamwine ku moko ja akwa-kole jetu.” 4 Chocho, yatuma mikeji ku Shilo, yaneha Mushete wa Usendo wa Yehova-wa-Tujita yoze unatwama ha ngunja yenyi helu lia akerupimi. Ana a malunga aali a Eli Hofni ni Finehase yeza hamwe ni Mushete wa Usendo wa Zambi wamwenemwene.

5 Muze Mushete wa Usendo wa Yehova wahetele mu chilombo, A-Izalele yaputuka kukololoka, chocho, hashi yihanyika. 6 Muze A-Filistea evwile zungo lia kukololoka, yamba ngwo: “Zungo lipwahaha mu chilombo cha A-Hepreu liaka?” Mba yevwa ngwo, Mushete wa Usendo wa Yehova te hiwaheta mu chilombo. 7 A-Filistea yevwa woma unji, yamba ngwo: “Zambi kaheta mu chilombo!” Yamba nawa ngwo: “Lamba lietu mama, mumu chuma cha mutapu au kanda chichilingiwa kama! 8 Lamba lietu mama! Iya matulamwina kama ku moko ja Zambi yono munene? Zambi yono mwe wamwesene A-Engitu lamba ni yilungo yeka ni yeka mu puya. 9 Yenu A-Filistea, hamukenu, pwenu malunga, hanga nuchine kupwa ngamba ja A-Hepreu ngwe chize ayo apwile ngamba jenu. Pwenu malunga, asenu no jita!” 10 Chocho, A-Filistea yasa jita yakumba A-Izalele. A-Izalele yachinyina mutu ni mutu mu mbalaka yenyi. Atu anji afwile ku jita, kwafwile maswalale ja A-Izalele 30,000. 11 Chikwo nawa, Mushete wa Zambi yautambula, ni ana ja Eli aali Hofni ni Finehase yafwa.

12 Umwe lunga wa ku munyachi wa Mbenjamine yachina ku jita, yaheta ku Shilo ha tangwa lizeliene ni mazalo a kusuwa-suwa ni mavu mu mutwe. 13 Muze lunga wacho ahetele, Eli te kanatwama ha chitwamo ku sesa lia jila ni kutalatala, mumu mbunge te yinalilambila mu jimo mumu lia Mushete wa Zambi wamwenemwene. Mukeji yanjila mu mbonge yambulula lusango, chocho atu eswe mu mbonge yaputuka kulila. 14 Muze Eli evwile zungo lia kulila, yahula ngwenyi: “Yika atu analilila?” Mukeji yazomboka hanga ambulule lusango kuli Eli. 15 (Eli te kali ni miaka 98, meso te halaa, te keshi kumona nawa.) 16 Lunga yamba kuli Eli ngwenyi: “Ku jita ngunakatuka! Musono lume nachinako.” Eli yahula ngwenyi: “Yika yalingiwako mwanami?” 17 Mukeji yoze te unaneha lusango yamba ngwenyi: “A-Izalele kachina A-Filistea, maswalale anji afwako. Chikwo nawa, ana je eswe aali Hofni ni Finehase no kafwa, ni Mushete wa Zambi wamwenemwene kautambula.”

18 Mba muze havuluka Mushete wa Zambi wamwenemwene, Eli yalimbuka ha chitwamo chenyi unyime-nyime sali lia chikolo, yamakuka kota yafwa, mumu te hapwa chinji kashinakaji, halemenena. Eli kayulile A-Izalele ha miaka 40. 19 Tembwa-mwanenyi, pwo lia Finehase te kali kafumba, te hikwasala hakehe hanga ashite. Muze hevwa ngwo Mushete wa Zambi wamwenemwene hautambula, chikwo nawa, tato-weno ni mukwo-lunga kafwa, yalihetamina, hazehene musongo yiumukwata, yashita.* 20 Shimbu te kanda achifwa, mapwo waze apwile nenyi yamulweza ngwo: “Kanda wivwa woma, washita mwana wa lunga.” Alioze, iye kakumbulwile, chipwe yize amulwezele kayipalile.* 21 Alioze, yaluka mwana jina ngwenyi, Ikabode* ni kwamba ngwenyi: “Chize te chakuneha uhenya mu Izalele, haya nacho mu undungo.” Iye kambile maliji wano mumu Mushete wa Zambi wamwenemwene kautambwile. Chikwo nawa, mumu tato-weno ni mukwo-lunga kafwile. 22 Iye yamba ngwenyi: “Chize te chakuneha uhenya mu Izalele, haya nacho mu undungo. Mumu Mushete wa Zambi wamwenemwene hautambula.”

Mikanda ya Chokwe (2008-2025)
Fwambuka
Njila
  • Chokwe
  • Tuma
  • Kululieka
  • Copyright © 2025 Watch Tower Bible and Tract Society of Pennsylvania
  • Shimbi Yakuyizachisa
  • Shimbi ja Kufunga Sango ja Mutu
  • Configurações de Privacidade
  • JW.ORG
  • Njila
Tuma