Yika Mutulinga Nyi Twawana Kanuke ku Zuwo

Nyi kanuke mazulula chikolo, twatamba kumwita hanga tuhanjike ni yisemi jenyi. Chino muchisolola vumbi kuli chisemi. (Yishi. 6:20) Nyi kanuke matwita hanga tunjile, kanda tutayiza. Nyi yisemi jenyi keshiko, twatamba kuhiluka ha ola yeka.

Nyi mutuwana ko kanuke uli ni miaka 15 hanji 18, chili chipema kumwita hanga tuhanjike ni yisemi jenyi. Nyi keshiko, mutuhasa kumuhula ngwetu; mikanda yika yisemi je akutayiza hanga utange? Nyi matayiza, mutuhasa kumwaha mikanda ni kumulweza site yetu jw.org.

Muze mutuhiluka hanga tumeneke mukweze wacho, twatamba kwita hanga tunyingike yisemi jenyi. Chino muchipwisa chashi kulumbununa yize twayila ku zuwo lienyi ni kumulweza ngwo shimbi ja mu Mbimbiliya jili jingunu nawa mujihasa kukwasa asoko. (Samu 119:86, 138) Kusolola vumbi kuli yisemi jo chili chilemu chinji, mumu muchakwasa kupwa ni nyonga lialita nawa muchitwaha uhashi wa kwambulwila sango jipema.—1Petu. 2:12.