Kuwahisa Uhashi Wetu wa Kwambujola—Kululieka Yihula Yalita

MUMU LIAKA CHILI CHILEMU: Nyi “yiyulo mu mbunge ya mutu kuyapwa ngwe meya asuku,” yihula yili ngwe chikashi chakuswita nacho meya jacho. (Yis 20:5) Yihula yakutukwasa kuhanjika ni waze akutwivwa. Kumbululo lia yihula yakululieka kanawa yakulemesa pande jize mutuhanjika ni mutu. Yesu kaluliekele yihula yalita. Kuchi mutuhasa kumwimbulula?

CHIZE TWATAMBA KULINGA:

• Yihula yize muyikwasa mutu kunyonga. Yesu kapwile ni kuhula yihula yinji hanga anyingike yize tumbaji jenyi te akunyonga. (Mat 16:13-16; be 238 ¶3-5) Yihula yika yize akunguhula chinji?

• Yihula yize muyikwasa mutu kukumbulula. Mba akwase Petulu, Yesu kahulile yihula yize te muyikwasa Petulu apwe ni kunyonga lialita. (Mat 17:24-26) Yihula yika yena muhasa kuhula mutu hanga umukwase kunyonga kanawa ha chimwe chikuma?

• Kuchichimieka atu. Muze longeshi ya shimbi akumbulwile “ni mana” Yesu kamuchichimiekene. (Mar 12:34) Kuchi yena muhasa kuchichimieka mutu yoze wakukumbulula kanawa?

TALENU CHIHANDA CHITANGU CHA CHINEMA CHINAMBE NGWO, LINGA MULIMO UZE YESU APWILE NI KULINGA-KULONGESA. MBA NUKUMBULULE YIHULA YINO:

• Mumu liaka chilweza chino cha longeso chili chipi, chipwe ngwe, sango jacho jinalita?

• Mumu liaka twatamba kulinga yinji kuhiana kulumbununa wika yikuma?

TALENU CHIHANDA CHAMUCHAALI CHA CHINEMA CHINO, NAWA KUMBULULENU YIHULA YINO:

• Kuchi ndumbu azachisa yihula yalita?

• Yikuma yikwo yika ya ha longeso lienyi yize mutuhasa kwimbulula?