Miheto Yize Twatamba Kwehuka Muze Tunasongwela Longeso Lia Mbimbiliya

Kuhanjika Chinji: Kanda unyonga ngwe yena watamba kulumbununa yuma yeswe. Yesu kazachishile yihula hanga akwase atu kunyonga ni kukwata yiyulo yipema. (Mateu 17:24-27) Yihula yakupemesa longeso nawa yakutukwasa kunyingika yize longi ananyingika ni yize akutayiza. (be 253 ¶3-4) Nyi twahula, twatamba kushimbwila kumbululo ni uhomboloji weswe. Nyi longi makumbulula cheka, kutwatambile kumulweza kukumbululo, alioze mutuhasa kumuhula yihula yikwo hanga tumukwase kuwana kumbululo lialita. (be 238 ¶1-2) Lumbununa kanawa hanga longi evwe kanawa yize unamulongesa.—be 230 ¶4.

Kanda Tumupinjisa: Twehukenu muheto wakulumbununa yuma yeswe yize tunanyingika hakutwala ku chikuma chacho. (Yoa. 16:12) Shindakenya ha yikuma yilemu yize yili mu paragrafu. (be 226 ¶4-5) Kuhanjika yuma yinji chipwe ngwe yili yilemu muchihasa kuchiza ulemu wa yikuma yize nunalilongesa. (be 235 ¶3) Nyi longi kevwa kanawa yize nunalilongesa, munuhasa kuya mu paragrafu yikwo.

Kanda Tulumbika Wika Malongeso: Chuma chilemu chili kukwata ku mbunge ya atu, hi kulumbika wika ko malongeso. (Luka 24:32) Zachisa ndundo ja Liji lia Zambi ha kutondekeza ha yisoneko yize yili ha longeso. (2 Kori. 10:4; Hepre. 4:12; be 144 ¶1-3) Zachisa yilweza yize yashi. (be 245 ¶2-4) Nyingika kapinda wa longi ni yize akufuliela, hanga tuhase kumukwasa. “Muhule yihula ngwe yino: “Kuchi wakwivwa ha yize unalilongesa hano”? “Yika yino yinatulongesa hakutwala kuli Yehova”? “Yiwape yika unamono ha kukaula shimbi ja mu Mbimbiliya”? —be 238 ¶3-5; 259 ¶1.