YIKUMA YILEMU YA MU LIJI LIA ZAMBI | LUKA 6-7
Tuhanenu ni Mbunge Yipema
Mutu yoze wapwa chihanyi, ni zango lieswe kakuhana mashimbu, tachi ni yikumba hanga akwase ni kutakamisa akwo.
Liji lia Ngregu anavuluka ngwo, “hanenu” linalumbunuka kuhana matangwa eswe
Nyi twapwa yihanyi, akwetu no mawezela mu hina lietu “njongo yipema, ya kukona, ya kunyikumuna hamwe, yakusupwoka.” Maliji wano kota kanatale ha ndako ja akwa-kulanjisa waze te akuwezela yuma hanga azalise chikuto cha atu waze apwile ni kulanda