YIKUMA YILEMU YA MU LIJI LIA ZAMBI | KUTUHUKA 6-7
“Haliapwila Mukamona chize Yami Mungukalinga Kuli Falau”
Shimbu te kanda achineha lamba mu Engitu ni kutuhwisa A-Izalele mu undungo, Yehova kalwezele atu jenyi yize te anambe kulinga. A-Izalele te mamona ndundo ja Yehova mu mutapu uze te kanda achijimona kama. Nawa A-Engitu te manyingika ngwo, Yehova kali Zambi wamwenemwene. Muze yilakenyo ya Zambi yamanunukine, ufulielo wa A-Izalele wakolele nawa chino chaakwashile kwehuka uwayilo wa mahuza uze te akumona mu Engitu.
Kuchi lusango yono anakolesa ufulielo we ngwo yilakenyo ya Zambi muyikamanunuka?