Nunga ni Kushimbwila ni Kunyongonona

Ha mashimbu angahi wakushimbwila kwiza cha Wanangana wa Zambi? Shina wakunyongonona ni uhumikizo weswe, chipwe ngwe unamono lamba? (Ro 8:25) Akwa-Kristu amwe kakupalika mu kapinda munji, ngwe yihungumiona, kwasa mu zuwo lia ususu, hanji kwashiha. Akwo kakupinda ni yikola yize kuyishi kuhwa hanji ushinakaji.

Yika muyitukwasa hanga tushimbwile ni kunyongonona chipwe ngwe mutupalika mu yiseko? Twatamba kukolesa ufulielo wetu ha kutanga Mbimbiliya matangwa eswe ni kupukuna ha yize tunatange. Twatamba kulihulikila ha kutalatala chetu. (2Ko 4:16-18; Hep 12:2) Twatamba kuliumba kuli Yehova mu yilemba ni kumwita tachi ja spritu yenyi yisandu. (Lu 11:10, 13; Hep 5:7) Tata yetu wa zango mahasa kutukwasa hanga tupwe “ni utunu weswe ni uhomboloji hamwe ni uwahililo.”—Kol 1:11.

TALA CHINEMA CHAKWAMBA NGWO, TWATAMBA ‘KUZOMBOKA NI KUNYONGONONA’—HA KUFULIELA NGWETU, MUTUKATAMBULA CHAWANA, MBA NUKUMBULULE YIHULA YINO:

• 

  Yuma yika ya ‘luyinda’ yize muyihasa kusoloka susumuku ku mwono wetu? (Chi 9:11)

• 

  Kuchi kulemba muchihasa kutukwasa muze mutupwa mu yeseko?

• 

  Nyi twahashile kulinga yuma yinji mu mulimo wa Yehova ngwe chize te twakulinga, mumu liaka twatamba kulihulikila ha yize mutuhasa kulinga?

• 

  Yika yakukukwasa ununge ni kufuliela hanga ukazuke chawana?