MWONO WA AKWA-KRISTU

Chize Waze Alimbata Mahasa Kukolesa Ulo Wo

Apalahama ni Sara kali chilweza chipema cha atu waze alimbata, ayo te kakulizanga ni kulivumbika umwe ni mukwo. (Upu 12:11-13; 1Pe 3:6) Alioze, ulo wo kuwakapwile ungunu, ni ayo kapalikile mu yipikalo ku mwono wo. Yika waze alimbata mahasa kulilongesa ha chilweza cha Apalahama ni Sara?

Pwenu ni kuhanjika umwe ni mukwo. Kumbulula ni vumbi muze mukwenu-lunga hanji mukwenu-pwo anahanjika ni utenu. (Upu 16:5, 6) Likolwezenu hanga nupwe ni kupalikisa mashimbu hamuwika. Lizangenu umwe ni mukwo kupalikila mu maliji ni mu yitanga. Chahiana ulemu, nungenu ni kusa Yehova mu ulo wenu, ha kulilongesa, kulemba ni kumuwayila hamuwika. (Chi 4:12) Ulo ukolo wa kuhalisa Yehova, Chishina cha ulo.

TALENU CHINEMA, CHIZE MUTUHASA KUKOLESA ULO WETU, MBA NUKUMBULULE YIHULA YINO:

Ku uputukilo wa chinema, yika yasolola ngwo Soares ni Kiara te keshi kulivwashana?
Mumu liaka kulihanjikisa chili chilemu mu ulo?
Kuchi chilweza cha Apalahama ni Sara chakwashile Soares ni Kiara?
Yika Soares ni Kiara alingile mba akolese ulo wo?
Mumu liaka lunga ni pwo katambile kushimbwila ungunu mu ulo wo?

Yizulie: Yize yinasoloka ha chinema, ‘Chize Mutuhasa Kukolesa Ulo Wetu.’ Soares ni Kiara kanalingi yimwe hanga akolese ulo wo. 1. Ayo kanalitwamina ha chitwamo. 2. Kanalikwate ku moko. 3. Kanawahilila ha kukalakala hamuwika mu munda. — Yena muhasa kukolesa ulo wenu!