Lemesa Usepa we ni Yehova

Yela ja Yehova kali ni chiteli chalipwila. Ngwe akwa-Kristu akupapachisa, twatamba kununga ni kukolesa usepa wetu ni Mwene wetu Yehova. Iye katukokelele mu ululikiso wenyi kupalikila muli Mwanenyi. (Yo 6:44) Kakupanjika yilemba yetu.—Sam 34:15.

Kuchi mutuhasa kufunga usepa wetu ni Yehova? Chitangu, kutwatambile kulinga yuma yipi yize A-Izalele alingile. Hanyima lia kulinga usendo ni Yehova, ayo yalinga mwana-ngombe wa oru ni kuputuka kumuwayila. (Kut 32:7, 8; 1Ko 10:7, 11, 14) Mutuhasa kulihula ngwetu: Yika nakulinga muze akungweseka hanga ngulinge chuma chipi? Shina yitanga yami yakusolola ngwo nakulemesa usepa wami ni Yehova? Kuzanga chinji Tata yetu wa mu malilu che muchitukwasa hanga twehuke yuma yize keshi kuzanga.—Sam 97:10.

TALENU CHINEMA, LEMESA USEPA WE NI YEHOVA (KOL 3:5), MBA NUSHIMUTWINE NI MBUNGA YIHULA YINO:

• Kuzo yika yinalumbunuka?

• Mumu liaka twatamba kwehuka kuzo ni kuwayila tuponya?

• Mu mulali uka utanji ni kuwayila tuponya yinalifu?

• Mumu liaka mandumbu waze alimbata, chipi-chipi waze ali ni yiteli mu chikungulwila atamba kuhana kuli yoze alimbata nenyi yize anafupu?