Zachisa Mukanda Wahilila ku Mwono ku Miaka Yeswe! Hanga Ukolese Ufulielo We Muli Yehova ni Yesu

Alongi a Mbimbiliya katamba kukolesa ufulielo wo, mba evwise Zambi kuwaha. (Hep 11:6) Mutuhasa kukwata ku mbuge ya alongi jetu ha kuzachisa mukanda Wahilila Ku Mwono Ku Miaka Yeswe! Mukanda uno wakulilongesa nawo Mbimbiliya, uli ni yisoneko yilemu, ulumbunwiso washi, yihula yalita, yinema ni yizulie yipema. Muze twakukwasa alongi a Mbimbiliya hanga apwe ni yitanga ya Ukristu ni kupwa masepa ja Zambi, chakupwa ngwe tunatungu zuwo ni yuma yize kuyishi kuwema ni kahia.—1Ko 3:12-15.

Atu amwe kakunyonga ngwo chili chikalu kupwa sepa lia Zambi, yoze ayo keshi kumona. Kashika twatamba kwakwasa hanga akolese ufulielo wo ha utu wa zango wa Yehova.

SOLOLA CHINEMA KOLESA UFULIELO WE MULI YEHOVA, HA KUZACHISA MUKANDA “WAHILILA KU MWONO KU MIAKA YESWE!” MBA NUKUMBULULE YIHULA YINO:

• Kuchi tunanyingika ngwetu pangi kalilulieka kanawa hanga asongwele longeso lia Mbimbiliya?

• Kuchi iye asakula kanawa yihula yikwo hanga akwase longi kulumbununa Izaia 41:10, 13?

• Kuchi chinema ni versu ja Mbimbiliya yakwata ku mbunge ya longi?

Atu anji keshi kunyingika ulemu wa ukuule, chekwamba, kanyingikine ngwo uli chawana cha Zambi kuli ayo. (Nga 2:20) Kashika, twatamba kwakwasa hanga akolese ufulielo wo ha chitapo cha ukuule wa Yesu.

SOLOLA CHINEMA KOLESA UFULIELO WE MULI YESU, HA KUZACHISA MUKANDA “WAHILILA KU MWONO KU MIAKA YESWE!” MBA NUKUMBULULE YIHULA YINO:

• Kuchi tunanyingika ngwetu ndumbu kalilulieka kanawa hanga asongwele longeso lia Mbimbiliya?

• Kuchi iye azachisa chikuma “Hengwola Nawa” hanga akwase longi?

• Mumu liaka chili chilemu kulembela longi?