Umwe Munda Upema

TALA hashi aha! Chize yeswe yinapeme! Tala yambu, mitondo, yitemo ni tushitu eswe. Yena muhasa kusakula njamba ni ndumba hano?

Munda uno upema kuli unakeza? Mba tunyingike, tutalenu chize Zambi anakatululiekela hashi.

Chitangu, Zambi yalinga mafwo ni yambu hanga yilitande hashi. Nawa iye yalinga mitondo ya mutapu weswe yikehe-yikehe ni yinene-yinene. Kusoka cha mitondo yino che cha kupemesa hano hashi. Nawa yakulinga yuma yikwo yinji. Mitondo yinji yakwima mihuko yiyema yize twakulia.

Kusuloho, Zambi yalinga yishi hanga ende mu meya ni tujila hanga a humuke mwilu. Iye yalinga tuwa, tumeshi ni tuvwalu; tushitu anene-anene ni akehe-akehe. Tushitu aka waze ali hakamwihi ni zuwo lie? Hi chiseke ko kunyingika ngwo Zambi mwe unakatulingila yuma yeswe ayi?

Hi kusongo, Zambi yasakula chimwe chihela nawa yachipemesa. Yachivuluka ngwo munda wa Endene. Chapwile chingunu. Yuma yeswe te yipema. Zambi te kanazange ngwo hashi heswe hapwe hapema ngwe chize hanasoloka ha munda uno, iye anakalinga.

Tala nawa chizulie cha munda uno. Yena unanyingika yize Zambi anakamona ngwo te yinahonoho? Tutalenu.