Kumana Zambi Manongesa Nawa Atu Akwa Shili?

22 Musono nawa kuli atu api. Yuma yika yipi yena unamono analingi aha?

23 Atu amwe kanashiha akwo. Zambi kanambe ngwenyi keshi kuchilinga.—Kutuhuka 20:13; 1 Yoano 3:11, 12

24 Atu akwo eji. Zambi kanambe ngwenyi kanda wiya.—Kutuhuka 20:15; A-Efwesu 4:28

25 Malunga amwe kanambata mapwo anji. Akwo katwama ni mapwo ali hanji anji umwe ni umwe mu zuwo lienyi. Akwo nawa katwama chimuika mba keshi kulimbata. Yuma yeswe ayi, yino kuyalitele ni malongeso a Mbimbiliya.—Mateu 19:4-6; 1 Korindu 7:1-4; 1 Timoteu 3:1, 2

26 Unewuluka ngwo Zambi kahanyine pwo umuwika kuli Alama?—Uputuluko 2:22, 24

27 Atu akwo kakulembela tuponya. Zambi kanambe ngwenyi kanda nulembela tuponya.—Kutuhuka 20:4, 5; Izaia 44:9-17; 1 Yoano 5:21

28 Yehova makanongesa nawa atu eswe waze keshi kwalumuna mbunge.—Masamu 37:9, 10; Luka 13:5; 1 Korindu 6:9, 10