Yika Chakutamba Kulinga?
50 Unazanga kutwama cha mutolo mu paraisu yipema?
Acho, lilongese chikolo chize Zambi anambe. Linga tachi je jeswe utange Mbimbiliya.—Yoano 17:3; Usolwelo 1:3
51 Nyingika nawa hali Yesu.—Shimbi Yamuchiali 18:18, 19; Yoano 3:16; Yilinga 3:19-23
52 Fupa kulinga wika yuma yize yipema ni kwononokena Yehova.—A-Roma 6:17, 18, 22
53 Euluka ngwo Yehova kanambe ngwenyi kanda tushiha atu ni akwetu.—Kutuhuka 20:13; 1 Yoano 3:11, 12
54 Kanda tuzuka kwanda yuma yambala.—Kutuhuka 20:15; A-Efwesu 4:28
55 Chamutambile lunga kutwama ni kupomba ni pwo weka shina wika pwo lienyi lume wa kumbata ndo mamumbata hanga apwe pwo lienyi lume.—Kutuhuka 20:14, 17; 1 A-Tesalonika 4:3
56 Zambi kanatayiza lunga kupwa ni mapwo angahi? Mashimbu angahi lunga chatamba kutwama ni pwo lienyi?—Uputukilo 2:22, 24; Mateu 19:5, 6; 1 Korindu 7:2, 10, 11
57 Euluka ngwo chatutamba kumuwayila wika Yehova.—Mateu 4:10; 1 Korindu 8:6
58 Mumu liaka tuponya ni yifwatulo yishi kuhasa kutukwasa?—1 Korindu 8:4
Chinapeme kupwa ni tuponya?—Shimbi Yamuchiali 27:15; 1 Yoano 5:21
59 Kumana chipi chindji kutaha ngombo, chipwe kuphanda wanga?—Shimbi Yamuchiali 18:10-13; Usolwelo 21:8
60 Angelo api handji ngwo andemoniu amukatukilile Zambi. Ayo kalikata ni yimbanda hanga alumbule atu.—Yilinga 16:16
61 Ndo kulembela wika kuli Zambi. Kulemba chinapu ngwe kuhandjika ni Zambi, kumulweza ngwo tunazange tumulingile ni kumwita hanga atukwase.—A-Fwilipu 4:6, 7
62 Chatutamba tumwononokene Yesu ni kumufuliela.—A-Hepreu 5:9; Yoano 3:16
63 Euluka ngwo iye kafile hanga atukule.—A-Roma 5:8
64 Euluka ngwoYesu kali Mwanangana wetu keshi kumoneka ni meso.—A-Fwilipu 2:9-11; Usolwelo 19:16
65 Yesu kambile ngwenyi ha sango jipema wanyika yena, yako ukalweze akwenu ayo nawa, ni kanazange kulingila Zambi ndo apwe kupapachisa.—Mateu 28:19, 20; Yoano 4:7-15
66 Kumana ni yena alweze masepa je sango jino jipema.—Mateu 10:32
67 Yena ni wanyingika kutanga kanawa, mukahasa kunyingika yuma inji yikwo nawa muhasa kulongesa akwenu.—2 Timoteu 2:15
68 Yesu yalongesa nawa ana akepe kumwononokena Zambi. Mba Iye kapwile ni mashimbu andji aku hanjika ni ana akepe.—Mateu 19:13-15
69 Yisemi chanutamba ola yeswe kulongesa anenu kwononokena Zambi ni kumuzanga.—Shimbi Yamuchiali 6:6, 7; Yishima 6:20-22; A-Efwesu 6:4
70 Kuli mazuwo a uzambi anji. Malongeso jo anji kalikwachile ni Mbimbiliya. Yehova kanatwambe ngwo tutuhuke, mu mazuwo ja uzambi muze keshi kulongesamo umwenemwene.—Usolwelo 18:4; Yoano 4:23, 24
71 Yehova kali ni atu hano hashi waze akumwambulwila sango jenyi. Unanyingika ngwo aya?—Yilinga 15:14; A-Roma 10:14, 15
72 Ayo kanasanyika ngwo Yela ja Yehova. Ayo kali ni sambukila mu kachi ko ene. Unanyingika mumu liaka? Ayo kalizanga amwe ni akwo.—Izaia 43:10-12; Yoano 13:34, 35
73 Hanapapachishiwa mumu kamuzanga Yehova. Achize kasoloka kuli mbunga ngwo kumana kahichika yitanga yipi apwile ni kulinga hapwila kanazange akalakale ku milimo ya Zambi.—Yilinga 2:41
74 Yela ja Yehova kanafuliela hanga akatwame mu paraisu yaha, yipema.—Masamu 37:9-11, 29
Ika unatambe kulinga ni yena hanga ukatwame no?—Tiangu 1:22, 25; 2:20-26
75 Linunge no mu kulilongesa ni kumukilikichila Yehova. Ayo kamuzanga ni kumwononokena Yehova ni Kristu Yesu. Yena wazanga? Unazange kwakwasa atu akwo amunyingike Zambi?—Yoano 6:45-47
76 Yehova ni Kristu Yesu kanakuzange hanga utwame ni mwono wa mutolo mu paraisu.—Yoano 3:16
Yuma yeswe unakalilongesa ni yize unakeva ni kumona ha yishima yili amu ha kamukanda, chochene lume weva kuwaha cha kupwa ni mwono wa mutolo hano hashi. Nyi unazange sango jikwo nawa, ndo uhanjike ni umwe Chela ca Yehova yoze watwama hakamwihi muchihunda che. Chipwe nawa musonekena, kuchipatwilo kuze aluliekela mikanda ni hakamwihi kuze watwama yena. Ngwe chize hiyinapu kusoneka mu kamukanda aka, tala mukatalishilo wamuchali.