Yehova Yatwaha Umwe Chilamwina

29 Mutu mutangu yoze Zambi atangile wa mu espiritu, yapwa mwanenyi mutangu.

Zambi kakumuzanga chinji kumakamutuma hanga akanogese akwa shili ni akalamwine nawa akwa kwononoka.—Yoano 3:16, 36

30 Yehova watumine Mwanenyi hanga asemuke hano hashi. Yamuluka jina ngwenyi Yesu. Naye jina lienyi Maria.—Luka 1:30-35

31 Muze Yesu hapwa mukulwana, walongesele yuma yinji yipema. Yalongesa nawa ngwenyi Yehova mwe Zambi wa mwenemwene.—Marku 12:29, 30

Yesu yamba ngwenyi chatutamba kulembela wika Yehova.—Mateu 4:10; Yoano 4:23, 24

Yalongesa atu nawa wanangana wa Yehova.—Luka 17:20, 21

32 Yesu wawukile atu. Yalinga nawa yuma yinji yipema, kalingile nichimwe chipi.—Yilinga 10:38; 1 Petulu 2:21, 22

Mba kuchi chize mahasa kutulamwina ku shili ni kufa?

33 Iye kalihanyine ngwe chitapo kuli Zambi. Hanga akule amwe atu akwa ululi. Ku shakulu, hashakulu, Zambi kalwezele atu alambule yitapo ya tushitu mumu ha shili jo.—A-Hepreu 7:25, 27

34 Yesu kakalambwile tushitu. Yalihana mwene ngwe mulambu wa chitapo kuli yetwe.—Mateu 20:28; A-Hepreu 10:12

Unanyingika mumu liaka?