Kuchi Yena Wakunyonga Matangwa a Kulutwe?

YIKA MBIMBILIYA YINAMBE

“Zambi. . . makakusumuna masoji eswe ku meso jo. Kufwa kuchichi kapwa nawa; kukuchi kapwa nawa kunyenganyana, chipwe miteto, chipwe yikola, ka; mumu yuma yitangu hiyinahu.”—Usolwelo 21:3, 4, Mukanda Usandu wa Zambi.

KUCHI MALIJI WANO MAHASA KUKUKWASA

Mukukapwa milimo yingunu nawa yipema.—Izaia 65:21-23.

Kukuchi kapwa nawa yikola chipwe lamba lieswalio, ka.​—Izaia 25:8; 33:24.

Mukukapwa uwahililo ni mwono wa miaka yeswe hamuwika ni asoko ni masepa jetu.—Masamu 37:11, 29.

CHAMWENEMWENE MUTUHASA KUTAYIZA YIZE MBIMBILIYA YINAMBE?

Ewa, mutuhasa kuyitayiza, ha mukunda wa yitela yaali:

• Zambi kali ni ndundo ja kumanununa chilakenyo. Mu Mbimbiliya, Yehova Zambi mwe anavuluka wika ngwo “Mukwa-Ndundo-Jeswe,” mumu ndundo jenyi jishi kuhwa. (Usolwelo 15:3) Kashika iye wika uli ni uhashi wa kumanuna chilakenyo chenyi cha kwalumuna hashi hetu hanga hapeme. Ngwe chize Mbimbiliya yinambe, ‘kuli Zambi yuma yeswe muyihasa kupwa yashi.’—Mateu 19:26.

• Zambi kali ni upale wa kumanununa chilakenyo. Ngwe chino, Yehova kali ni “usona” wa kufunyisa mwono wa atu waze hanafu.—Yombi 14:14, 15.

  Mbimbiliya nawa yinasolola ngwo Mwana wa Zambi, Yesu, kanakawuka mieji. Mumu liaka iye anakachilinga? Mumu iye te che akuzanga kulinga. (Marku 1:40, 41) Yesu ni ungunu weswe kanakembulula yitanga ya Tato ha kukwasa waze te anahono.—Yoano 14:9.

  Kashika mutuhasa kupwa ni ushindakenyo ngwo Yehova ni Yesu kanazange kutukwasa hanga tupwe ni uwahililo kulutwe lia matangwa!—Masamu 72:12-14; 145:16; 2 Petulu 3:9.