Lihulumbe Hali Atu

Yika Yesu Alingile?

CHINEMA: Yesu ni Umwe Pwo ku Shima lia Meya

1. Tala CHINEMA, hanji kutanga Yoano 4:6-9. Mba nushimutwine yihula yino:

1. Yika Yesu amwene kuli pwo shimbu te kanda achiputuka kuhanjika nenyi?

2. Yesu yamba ngwenyi: “Ngwehe kama ndambu ya meya.” Mumu liaka yino yapwile jila yipema ya kuputukilamo lusango?

Yika Mutuhasa Kulilongesa Hali Yesu?

2. Mutuhasa kuputuka kanawa lusango, nyi twahanjika hakutwala ku yuma yize yinatale hali mutu yoze tunahanjika nenyi.

Imbulula Yesu

3. Pwako mutu mwashi. Kuwatambile kulihulikila wika ha kuputuka lusango ni chikuma chize waluliekanga hanga uhanjike. Putuka lusango ha kuhanjika yuma yize atu ananyongo ha tangwa liacho. Lihule ngwe:

1. ‘Sango jika atu anahanjika chinji?’

2. ‘Yuma yika enyembo jami, akwa-milimo ni akwetu hanji atu waze nakulilongesa no ku shikola anahanjika chinji?’

4. Tala ha yuma yize yinamujingilika: Lihule ngwe:

1. ‘Yuma yika yize mutu analingi ha shimbu lino? Yuma yika mutu yono kota ananyongo?’

2. ‘Yika mazalo a mutu yono, ni chize iye anasoloka hanji zuwo lienyi yinangulweze hakutwala ku yize iye akufuliela ni chako chenyi?’

3. ‘Shina wano kali mashimbu alita a kuhanjika ni mutu yono?’

5. Pwako mukwa-kupanjika.

1. Kanda uhanjika chinji.

2. Kolweza mutu hanga ahanjike yize yili mu mbunge yenyi. Nyi muchilita muhasa kumuhula yimwe yihula.