Sango Kuli Waze Ali ha Kukunguluka

TUVUMBI Tuvumbi kaliho hanga anukwase. Kashika, muchilita kukaula yize o manulweza, ngwe hakutwala kuze munusa mashinyi, kunjila ni kutuhuka mu chihela cha kukungulukila, kulifunga ku ponde ni ku yuma yikwo nawa.

UPAPACHISO Yitwamo ya waze mapapachisa muyikapwa kulutwe lia palku. Waze mapapachisa, eswe katamba kutwama kulutwe muze pande ja upapachiso kanda jiputuka lia Sambata chimene. Eswe katamba kuneha tualia ni mazalo waze alita.

MILAMBU Kwafwika mbongo jinji mba tupwe ni yitwamo, yisaji yalita ni milimo yikwo yize yapemesa chihela chino hanga tukunguluke kanawa ni kutukwasa kukundama kuli Yehova. Kashika mulambu uze muhana, muhasa kukwasa ululikiso wa kukunguluka chino ni mulimo uze analingi hashi heswe. Nyi muzanga kulambula, ha chihela chino hali mishete ya milambu. Muhasa nawa kuhana mulambu kupalikila ha site yetu ha chikuma donate.jw.org. Mulambu weswawo muhana uli ni ulemu. Chizavu cha Tusongo muchiwahilila chinji ha yeswe yize mulinga hanga ukwase mulimo wa Wanangana.

UKWASO UTANGU WA UUKISO Nyingikenu ngwenu, uno uli wika ukwaso wa kafuji-fuji.

YUMA YATOKA NI KUSOLOKA Chuma cheswacho mutu matongona, katamba kuchihana ku Chipatulo cha Yuma Yatoka ni Kusoloka. Nyi watokesa chuma, yako ku chipatulo chacho hanga utale nyi kwe chili. Ana waze anatoko, nwatamba kwatwala ku chipatulo chacho. Alioze kanda nunyonga ngwenu, chipatulo chacho chili cha kufungila ana. Tunanwichi hanga nufunge kanawa ana jenu ni kutwama no hamuwika.

YITWAMO Nyongenu hali akwenu. Iwulukenu ngwenu, munuhasa kufunga wika yitwamo ya asoko ni waze nweza no hamuwika ni alongi jenu a Mbimbiliya. Kanda nusa yuma ha yitwamo yize kunuchi kutwama.

MULIMO WA AKWA-KULIHANA-ENE Nyi muzanga kukwasa milimo ya kukunguluka chino, hanjika ni mandumbu a ku Chipatulo cha Mulimo wa Akwa-Kulihana-Ene.

Kachilulieka kuli Chizavu cha Tusongo cha Yela ja Yehova