Mu Wanangana wa Zambi, atu “kumakawahilila mu kulumbama cha sambukila.”—Samu 37:11
Yika Mbimbiliya Yakulongesa?
Shina Mbimbiliya muyihasa kukukwasa kukumba yipikalo?
Yika te muhasa kwamba?
Ewa
Ka
Kota
Yize Mbimbiliya yakulongesa
“Kunjikenu yipikalo yenu yeswe kuli [Zambi], mumu kakunufunga.” (1 Petulu 5:7) Mbimbiliya yinatulweza ngwo Zambi mahasa kutukwasa kukumba yipikalo yetu.
Yika mutuhasa nawa kulilongesa mu Mbimbiliya?
Ha kulemba, mutuhasa kuyuka “sambukila ya Zambi” yize muyihasa kutukwasa kukumba yipikalo.—A-Fwilipu 4:6, 7.
Nawa, kutanga Liji lia Zambi muchihasa kutukwasa kukumba yipikalo.—Mateu 11:28-30.
Shina yipikalo muyiza kahwa?
Atu amwe kakufuliela ngwo . . .yipikalo yapwa yuma ya ku mwono wa atu, amwe kakutayiza ngwo yipikalo yakuhwa wika muze mutu mafwa. Yika wanyonga?
Yize Mbimbiliya yakulongesa
Zambi makahwisa yuma yize yakuneha yipikalo. “Kufwa kuchichi kapwa nawa; kukuchi kapwa nawa kunenganyana, chipwe miteto, chipwe yikola, ka”—Usolwelo 21:4.
Yika mutuhasa nawa kulilongesa mu Mbimbiliya?
Mu Wanangana wa Zambi, atu makatwama ni sambukila ni uhumikizo.—Izaia 32:18.
Kulipikala muchikahwa.—Izaia 65:17.