Muze Mwono Muusoloka Ngwe Kuushi ni Ulemu
Chakutalilaho, Sara,a yoze watokesele yuma yeswe hamukunda wa kakundukundu ku Estados Unidos, yamba ngwenyi: “Te nakwivwa ngwami, kuchichi kuhasa kutwama ni lamba lipwahaha. Matangwa eswe te nakwivwa ngwe mungufwa.”
Mba yika mutwamba nyi twafwisa mutu yoze twazanga? Joana wa ku Australia yamba ngwenyi: “Muze ana jami aali afwile, nevwile yikola yinji ku mbunge, te kuchishi kunyingika nawa yize mungulinga. Yinguliumba kuli Zambi ngwami: ‘Lisesa, ngukwase kama, lamba lioka naye! Ngweche kwami ngufwe. Kuchazangile nawa kununga ni mwono.’”
Chikwo nawa, Daniele kevwile yikola yinji ku mbunge muze mukwo pwo alumbukile ni lunga mweka. Yamba ngwenyi: “Muze mukwetu-pwo angulwezele ngwenyi, halumbuka ni lunga mweka, nevwile ngwe kangutuwa poko ku mbunge. Te nakwivwa yikola mashimbu eswe, yikola yacho yalingile tukweji anji.”
Kaposhi wa Kutalila yono masolola chize mwono muuhasa kukaliwa chinji muze
Mukusoloka luyinda
Mutu yoze wazanga chinji mafwa
Mutu yoze walimbata nenyi malumbuka
Mupinda ni umwe musongo upi
Mwono muupwa ukalu chinji
Haliapwila mutumona chitangu, yize mutulinga nyi mukusoloka umwe luyinda?
a Majina amwe waze anasoloka mu Kaposhi wa Kutalila yono kapwa kwalumuna.