Kuwahisa Uhashi Wetu wa Kwambujola Kukolweza a Longi Hanga Aye ku Kukunguluka

Mumu liaka Chili Chilemu: Kukunguluka chakutwaha uhashi wa “kwimbila Yehova” ni “kumuhalisa.” (Samu 149:1) Ku kukunguluka kakutulongesa chize mutulinga upale wa Zambi. (Samu 143:10) Waze akuzanga kunyingika umwenemwene ni a longi jetu a Mbimbiliya mahasa kusenya kulutwe nyi maputuka kuya ku kukunguluka.

YIZE TWATAMBA KULINGA:

• Mulweze washi-washi hanga eze ku kukunguluka. Kanda ushimbwila ngwo ndo muze malilongesa chinji Mbimbiliya.—Uso. 22:17

• 

  Mulweze yize iye mahasa kuwana ni kupanjika nyi maya ku kukunguluka. Yikuma yize yili mushi muyihasa kutukwasa kuchilinga: convite ya kukunguluka mu chikungulwila, chinema Yika Yakupwa mu Zuwo lia Wanangana? Ni longeso 5 ni 7 lia mukanda Aya Analingi Upale wa Yehova Musono?

• 

  Kuhana ukwaso. Nyi longi kanafupu ukwaso wa kuya ku kukunguluka hanji wakusakula mazalo analite muhasa kumukwasa. Ha kukunguluka twama nenyi hakamwihi, hanga akaule malongeso ha mukanda we. Solola longi we kuli akwenu