LIKOLWEZE CHINJI MU MUNDA | WAHILILA MU MULIMO WA KWAMBUJOLA
Kwasa Alongi a Mbimbiliya Apwe ni Kuya ku Kukunguluka
Kukunguluka cha mu chikungulwila chili chihanda chilemu mu uwayilo walinanga. (Sam 22:22) Eswe waze akusakula kuwayila Yehova kakupwa ni uwahililo, nawa kakwawahisa. (Sam 65:4) Alongi a Mbimbiliya kanji-kanji kakujama kawashi ku ufulielo nyi maputuka kuya ku kukunguluka mashimbu eswe.
Kuchi muhasa kukwasa alongi je a Mbimbiliya hanga aputuke kuya ku kukunguluka? Nunga ni kwasanyika hanga akunguluke ni yetu. Asolwele chinema, Yika Yakupwa mu Zuwo Lia Wanangana? Alumbunwine yiwape ya kuya ku kukunguluka. (lff longeso 10) Alweze yikuma yimwe yize walilongesanga ku kukunguluka ni yikuma yize munukalilongesa ha kukunguluka chikwo. Ahe mikanda yize twakuzachisa ha kukunguluka. Chikwo nawa, akwase ha yize mafupiwa. Ayo hanji mafupiwa ukwaso hanga ahase kuya ku kukunguluka. Tachi jeswajo muusa hanga ukwase alongi je a Mbimbiliya apwe ni kuya ku kukunguluka, kujichi kulitokela. Muwahilila chinji hakumona longi ye muze maya ku kukunguluka ha chisuho chitangu.—1Ko 14:24, 25.
SOLOLA CHINEMA, KWASA ALONGI JE A MBIMBILIYA . . . APWE NI KUYA KU KUKUNGULUKA, MBA NUKUMBULULE YIHULA YINO:
Uhashi uka Neeta azachisa hanga asanyike Jade ha kukunguluka?
Mumu liaka twakuwahilila muze twakumona longi wetu wa Mbimbiliya mapwa ha kukunguluka?
“Zambi hwali hakachi kenu”
Yika yalingiwile kuli Jade muze ayile ku kukunguluka ha chisuho chitangu?