Chize Mutuhana Kumbululo Lipema

Kumbululo lipema liakukolesa mandumbu mu chikungulwila. (Roma 14:19) Nawa liakukwasa yoze unalihana. (Yishi. 15:23, 28) Kashika, twatamba kuhana kumbululo limuwika ha hita kukunguluka. Chino kuchishi kulumbunuka ngwo mashimbu eswe mutusa kwoko matutongola hanga tukumbulule. Kashika chili chipema kululieka ma kumbululo anji.

Kumbululo lipema. . .

• lili liashi, zwalala, nawa lihi. Nyi muchilita, mulihasa kumbata segundo 30 hanji mushi

• chili chipema kukumbulula mu maliji je

• kanda uhanjika yuma yize akwenu hamba kulu

Nyi makutongola chitangu, . . .

• hana kumbululo liashi, pundu kulita ni chihula

Nyi chihula hachikumbulula kulu, yena muhasa . . .

• kulumbununa chize mutukaula chisoneko chiliho, ni yikuma yize anashimutwina

• kwamba chize chikuma chacho chinakwate ku mwono wetu

• kulumbununa chize mutuhasa kuzachisa sango jacho

• kuhana chimwe chilweza chihi chize muchishindakenya ha sango jize nunalilongesa