Muhasa Kuzuka Yiwape ya Mutolo ya Kuli Zambi wa Zango

• Shina wakuzanga kutwama mu chifuchi muze kumushi jita, upupilo ni vunda?

• Kutala uli ni shindakenyo ngwo, mu chifuchi chacho kumuchi kapwa yikola, lamba ni kufwa?

• Shina unazange kutwama chakuhona kusakalala ni yipikalo?

• Kutala unazange kutwama mu chihela muze kumushi kulingiwa luyinda wa chisemewa?

Zambi yetu wa zango, yoze watangile hano hashi kanalakenya kuhana kuli atu mwono upema ni sambukila ya mutolo. Yino hi yilota ko.

Tunakwite hanga uhengwole yikuma yize muyisulaho:

• Kuchi Zambi akwivwa hali atu?

• Yika Liji lia Zambi linatulweze?

• Yika aprofeta ambile hakutwala ku yiwape yize Zambi hanalakenya?

• Kuchi Zambi mahasa kutukwasa tuwahilile haliapwila ni kulutwe lia matangwa?

Tuputukenu ni kuhengwola yuma yize yinasolola ngwo, Sakatanga wetu kakulihulumba hali atu.