Halisa Yehova ku Mwono we!

Mwono uli chawana chilemu. Chize twakuzachisa mwono wetu chakusolola nyi twakuulemesa nyi ka. Yetu Yela ja Yehova, twakulikolweza kuzachisa utototombo wetu ni mana hanga tuhalise Yehova, Chihanyi wa Mwono. (Sam 36:9; Uso 4:11) Alioze, yipikalo ya ku mwono wa hano hashi hapi, muyihasa kukokolola ufulielo wetu. (Mar 4:18, 19) Kashika twatamba kulihula ngwetu: ‘Shina ngunaligila Yehova ni mbunge yeswe? (Hoz 14:2) Shina mulimo wami unangukwika kulingila Yehova? Mulimo uka ngunazange kulinga mu ululikiso wa Yehova? Kuchi munguhasa kwokesa mulimo wami wakwambujola? Nyi mumona ngwe kuli yimwe watamba kwalumuna, lemba kuli Yehova akukwase kwalumuna yuma yacho. Kwamba pundu, kuhalisa Yehova hita tangwa chakuneha sambukila ni chiseke!—Sam 61:8.

TALA CHINEMA CHAKWAMBA NGWO, ZACHISA UTOTOMBO WE HANGA UWAYILE YEHOVA, MBA NUKUMBULULE YIHULA YINO:

• Mumu liaka chili uhepuke kukisa utotombo we ha yuma ya hano hashi ha Satana? (1Yo 2:17)

• Yiwape yika akutambula waze akulingila Yehova ni mbunge yo yeswe?

• Mulimo uka usandu uze muhasa kulihana hanga uzachise ulangaji ni utotombo we?