Iwulukenu Pwo lia Lote

Mumu liaka pwo lia Lote atalile kunyima muze te anachina ku Sondome? Mbimbiliya kuyishi kulumbununa chikuma chino. (Upu 19:17, 26) Kulita ni yize Yesu ambile ha utowezo wenyi, kota pwo lia Lote katalile kunyima ha mukunda wa yuma yize ahichikile. (Lu 17:31, 32) Yika twatamba kulinga hanga tuchine kutokesa usepa wetu ni Zambi, ngwe chize alingile pwo lia Lote? Kutwatambile kwecha hanga kufupa upite chipwe chuma chilemu chinji ku mwono wetu. (Mat 6:33) Yesu kalongesele ngwenyi, kutuchi kuhasa “kulingila Zambi ni kulingila upite hamuwika.” (Mat 6:24) Mba yika mutulinga nyi twamona ngwetu, kufupa upite chinapu chuma chilemu chinji ku mwono wetu, kuhiana yuma ya ku ufulielo? Nyi chino chinalingiwa mutuhasa kulemba kuli Yehova hanga twite malinjekela ni kumona yuma yize twatamba kwalumuna ku mwono wetu, nawa ni kumwita hamu ni tachi ja kuchilinga.

TUSHIMUTWINENU YIZE TWALILONGESANGA HA YIHANDA YITATU YA CHINEMA CHINAMBE NGWO, IWULUKENU PWO LIA LOTE, HA KUKUMBULULA YIHULA YINO:

• 

  Kuchi usolo wa kufupa kupwa ni mbongo jinji wapiangwile manyonga, ndako ni yihanjika ya Gloria?

• Kuchi chilweza cha pwo lia Lote, chili utowezo kuli yetu musono?

• Kuchi kukaula shimbi ja mu Mbimbiliya chakwashile Joele ni usoko wenyi?

• Kuchi masepa waze Ana apwile no ku mulimo te anapihisa ufulielo wenyi?

• Mumu liaka twatamba kupwa ni hamu nyi kanatushinjila hanga tufupe chinji mbongo?

• Kuchi Bruno ni Gloria ahashile kulemesa cheka yuma ya ku spiritu ku mwono wo?

• Shimbi jika ja mu Mbimbiliya jize wamona anasolola ha chinema chino?