Kuwahisa Uhashi Wetu wa Kwambujolla—Kunjila ha Site JW.ORG

MUMU LIAKA CHILI CHILEMU: Mikanda yetu yeswe yize yili mu Kasha ya Yikwata Yetu ya Malongeso, yakutondekeza atu ha jw.org. Chochene, cartão wetu wa kunjila nenyi ha site ni kalifwo, Kulihi Mutuhasa Kuwana Kumbululo Lia Yihula Yilemu ya ku Mwono? kakutondekeza atu ha site yetu. Muhasa kuhana mukanda wa mu Kasha ya Yikwata Yetu ya Malongeso kuli mutu ha kuzachisa site jw.org ni kumutuminawo mu email hanji link. Chino muchihasa kutukwasa chipi-chipi muze tunambujola kuli mutu yoze wakuhanjika limi lieka. Nawa, atu hanji mahasa kuhula yihula yize anakumbulula ha mikanda yize kuyishi mu Kasha ya Yikwata Yetu ya Malongeso. Ha chino, nyi twanyingika kunjila kanawa ha site yetu, mutuhasa kuwahisa mulimo wetu wa kwambujola.

CHIZE TWATAMBA KULINGA:

• 

  Yako ha chikuma “MIKANDA.” Chakutalilaho, nyi unambujola kuli umwe usoko we yoze unazange kunyingika sango hakutwala ku kufumba twanuke. Muhasa kuya ha MIKANDA > MIKANDA & TUMIKANDA.

• Yako ha chikuma “MIKANDA.” Chakutalilaho, nyi unambujola cha susumuku ku shikola mba muzanga kulweza akwenu a ku shikola kamukanda, Kumbululo 10 lia Yihula Yize Akweze Akuhula. Muhasa kuya ha MIKANDA > MIKANDA & TUMIKANDA.

• Yako ha chikuma “MIKANDA.” Chakutalilaho, nyi unambujola kuli umwe sepa wa ku mulimo, yoze unazange kunyingika hakutwala ku ufulielo wetu. Muhasa kuya ha MIKANDA > MIKANDA & TUMIKANDA.

TALA CHINEMA CHAKWAMBA NGWO, KUNJILA HA SITE JW.ORG, MBA NUSHIMUTWINE HA YIKUMA YA HA SITE YIZE TWATAMBA KUYA HANGA TUKWASE:

• mutu yoze keshi kutayiza ngwo, Zambi katwamako

• mutu yoze wapalika mu luyinda

• mandumbu waze anakokoloka ku ufulielo

• waze akufupa kunyingika kuze kwakukatuka mbongo jize a kukwasa najo milimo yetu

• mutu wa mu chifuchi cheka yoze unazange kuya ku kukunguluka mu limi lienyi