Chikungulwila yichikaula chiyulo cha chizavu cha tusongo
YIKUMA YILEMU YA MU LIJI LIA ZAMBI | YILINGA 15-16
Yakwata Chiyulo Kulita ni Liji lia Zambi
Yika mutuhasa kulilongesa ha chize asopele mulonga wacho?
15:1, 2—Kulikehesa ni uhomboloji. Paulu ni Mbarnabe shimbu ahwise mulonga kulita ni nyonga lia ayo ene, yafupa usongwelo wa Yehova.
15:28, 29—Kufuliela ha ululikiso wa Zambi. Mandumbu mu chikungulwila kafulielele ngwo, Yehova te masopa mulonga wacho kupalikila mu spiritu yenyi yisandu ni muli Kristu Yesu.
16:4, 5—Kwononoka. Mandumbu mu yikungulwila yawahilila chinji muze akawile usongwelo wa chizavu cha tusongo.