Ni Chiseke Cheswe, Halisa Yehova Ni Miaso

Paulu ni Saila kahalishile Yehova ni miaso muze te ali mu zuwo lia ususu. (Yi 16:25) Chochene, kwimba miaso chaatakamishine hanga anyongonone. Yika mutwamba hali yetu musono? Twakwimba miaso ha ­mashimbu a uwayilo nawa miaso yacho muyihasa kutuhuzulula ni kutukwasa hanga tunyongonone ni kushishika muze tunapalika mu yeseko. Kuhiana yeswe ai, miaso yakuhalisa Yehova. (Sam 28:7) Kakutukolweza hanga tunyingike yimwe miaso yetu ya Wanangana. Shina yena wakusa tachi hanga wiwuluke yimwe miaso? Mutuhasa kuzachisa mashimbu a uwayilo wa mu usoko hanga twesejeke kwimba yimwe miaso ni kuyipachika mu mbunge.

TALA CHINEMA CHINAMBE NGWO, TWANUKE HALISENU YEHOVA NI MIASO, MBA NUKUMBULULE YIHULA YILI MUSHI:

• 

  Kuchi kwimba miaso ya Wanangana muuyihasa kutukwasa?

• 

  Kuchi mandumbu a ku Chipatulo cha Yizulie ni Yinema akulilulieka mba akope miaso?

• 

  Kuchi twanuke ni yisemi jo akulilulieka mba aye ni kukopa?

• 

  Miaso yika ya Wanangana yize wakuzanga chinji, nawa mumu liaka?