Mukanda Washi

• Sonekaho chihela chize watwama. Nyi wamona ngwe kuchishi kulita kusonekaho chihela chize watwama, muhasa kusaho chihela cha Zuwo lia Wanangana, alioze chitangu watamba kwita kuli makulwana a mu chikungulwila. Nyi limwe tangwa, KANDA usonekaho chihela kuze kwatwama mutango wetu hanga usolole ngwe kwe watwama.

• Nyi unanyingika mutu yoze unasonekena, sakoho jina lienyi. Chino muchimukwasa hanga ahone kunyonga ngwe mukanda wacho uli wa mingoso.

• Ha kusoneka mukanda watamba kusa shindakenyo ha sona ni maliji. Mukanda wacho watamba kusoloka kanawa, kanda upwa ni majilo. Nyi muusoneka ku moko, watamba kupwa washi kuutanga. Maliji waze musaho katamba kupwa a vumbi.

Kusoneka mukanda washi kuchalumbunukine ngwo, twatamba kukaula chilweza chino mu yimako-yimako mashimbu eswe muze mutusoneka umwe mukanda. Soneka mukanda kulita ni yize unazange kulumbununa, chihela ni ndako ya mu ngiza yenu.