Chize Mutuzachisa Maliji Akuhanjika No

Kukatuka ha Janeiro 2018, maliji akuhanjika no, kakwiza ha chifukilo cha Mukanda Wakuzachisa ha Kukunguluka cha Mwono Wetu ni Mulimo Wetu. Kuchi mutuhasa kwazachisa?

Muze Unalingi Pande ja Longi: Watamba kuzachisa chihula, kutanga chisoneko chize chiliho ni kuhula nawa chihula chikwo cha maliji akuhanjika no. Alioze, chino kuchalumbunukine ngwo watamba kuzachisa maliji waze-ene ali ha chinema cha maliji akuhanjika no. Yena muhasa kuzachisa maliji eka hanji kulumbununa chisoneko mu mutapu walisa. Chikwo nawa, muhasa kuhana mukanda wa mu Mushete wa Yikwata ya Kulongesa Nayo, chipwe ngwe usongwelo wacho kuushi ha mukanda wakuzachisa ha kukunguluka cha mwono ni mulimo wetu.

Muze Uli mu Munda: Maliji akuhanjika no, kakwalulieka hanga atukwase mu munda. Nyi mutu yoze unahanjika nenyi masolola zango ni kufupa kunyingika yuma yinji, muhasa kununga ni kuhanjika nenyi, hanji muzachisa maliji akufuna ni kumeneka chitangu. Muhasa kwalumuna maliji akuhanjika no waze ali ha mukanda wakuzachisa ha kukunguluka hanji kuzachisa lusango mweka. Shina chikuma cha kakweji yoze wapalika hanji chisoneko cheka muchikwasa chinji atu mu ngiza yenu? Kutala kuze watwama atu kakuzanga chinji kuhanjika yuma yize yakulingiwa mu chifuchi chenu? Nyi chenacho, alumuna maliji akuhanjika no kulita ni ngiza yenu. Alioze nyonga lie liatamba kupwa kulinga ‘yuma yeswe mumu ha sango lipema, hanga ukapwe mukwa kuliangana-ni-mukwo mu sango lipema.’—1Ko 9:22, 23.