Kuwahisa Uhashi Wetu Wa Kwambujola—Kulilulieka Kanawa

MUMU LIAKA CHILI CHILEMU: Akwa-Kristu akuwayisa ni spiritu ni mapanga akwo kanasanyika atu a mutapu weswe hanga atambule “meya a mwono.” (Uso 22:17) Meya wano kanalumbunuka yuma yeswe yize Yehova akulinga hanga atusule atu waze akumononokena ku shili ni ku kufwa. Twatamba kwambulwila atu waze ali ni mianda ni ulembelo walisa “sango lipema lia mutolo” mu mulali uze muuhasa kwakwata ku mbunge.—Uso 14:6.

CHIZE TWATAMBA KULINGA:

• Sakula pande ni chisoneko chize muchikakwata ku mbunge ya atu a mu ngiza ye. Muhasa kululieka maliji akuhanjika no hanji sango jize unanyingika kanawa. Sango jika ni yisoneko yize atu akuzanga kupanjika? Yuma yika yaha yalingiwa yize atu anahanjika chinji mu ngiza ye? Pande jika munguhasa kuhanjika ni atu a malunga hanji a mapwo?

• Nyingika chize atu a mu ngiza ye akulimeneka hamwe ni ndako jo.—2Ko 6:3, 4

• Nyingika kanawa mikanda ni yinema ya mu Mushete Wetu wa Yikwata ya Kulongesa Nayo hanga ukahase kuyihana hanji kuyisolola kuli atu waze makupanjika

• Chiza mikanda hanji yinema ha internet ya mu limi lize atu a mu ngiza ye akuhanjika chinji

• Hanjika pande je kulita ni yize yinafupiwa ku mwono wa mwenya zuwo. (1Ko 9:19-23) Pande jika muhasa kuhanjika nyi mwivwa ngwo mwenya zuwo kafwisanga mutu?

TALENU CHINEMA, MBA NUSHIMUTWINE YIHULA YINO:

• Chikuma chika mukwa-kwambujola aputuka nacho kuhanjika ni mwenya-zuwo?

• Yika yalingiwa ku mwono wa mwenya-zuwo?

• Chisoneko chika te atamba kumutangila nawa mumu liaka?

• Kuchi muhasa kwambujola sango kulita ni yize atu a mu ngiza yenu anafupu?