Muze Unambujola Hanjika Yuma Yize Yinalingiwa Musono

Yesu mu mulimo wenyi wa kwambujola, kapwile ni kuhanjika yuma yize te yakulingiwa hanga alongese atu. (Lu 13:1-5) Ni yetu mutuhasa kuhanjika yuma yize yinalingiwa hanga tukwase atu atayize sango ja Wanangana. Muze hiwahanjika hakutwala ku chize mwono unakale, luyinda wa chisemewa, kapinda, makanya asasu hanji droga, ni yuma yikwo nawa, muhule chihula ngwe chino: “Ku nyonga lie, shina tangwa limwe yuma yino muyiza kahwa?” hanji “Shina kuli yoze mahasa kuhwisa yuma yacho?” Hanyima, mba mutanga yimwe versu ya Mbimbiliya yinalite ni chihula chino. Nyi mutu matayiza sango, musolwele chinema hanji mukanda wa mu Mushete wa Yikwata ya Kulongesa Nayo. Muze mutulikolweza hanga tukwate ku mbunge ja atu mu munda, mutuhasa kulinga “yuma yeswe mumu ha Sango Lipema.”—1Ko 9:22, 23.

Yuma yika muhasa kuhanjika hanga ukwate ku mbunge ya atu a mu ngiza yenu?