MWONO WA AKWA-KRISTU
Chize Muzachisa Maliji Akuhanjika No
Mandumbu kakusa tachi hanga alulieke maliji akuhanjika no ni atu mu munda, akwa-kwambujola anji kakuzachisa maliji jacho hanga ahanjike ni atu mu ngiza yo. Alioze, amu yuma hano hashi yinalumuka chinji, akwa-kwambujola mahasa kwalumuna maliji jo kulita ni kuze atwama hanga ambujole. Alioze, ha mashimbu a kwambujola chalipwila, akwa-kwambujola katamba kukaula usongwelo umuwika. Chiteli chetu chili kukaula usongwelo wa Yesu wa kwambujola sango jipema ja Wanangana.—Mat 24:14.
Muze akwa-kwambujola analingi chihanda cha alongi ha kukunguluka, ayo katamba kushimutwina chikuma cha maliji a kuhanjika no chili ha Mukanda Wakuzachisa ha Kukunguluka cha Mwono ni Mulimo Wetu. Alioze, nyi muchilita, akwa-kwambujola mahasa kusakula chihula cheka, chisoneko, hanji chikuma chize muchikwasa atu a mu ngiza yo. Yino yalumuna usongwelo uze wejile ha lifwo 8 lia Mukanda Wakuzachisa ha Kukunguluka wa Junho 2020.