Kwasa Alongi Je a Mbimbiliya Hanga. . . Ehuke Masepa Api

Alongi a Mbimbiliya katamba kusakula kanawa masepa jo, mba apwe ni usepa upema ni Yehova. (Sam 15:1, 4) Masepa apema maakwasa kulinga yuma yize yalita.—Yis 13:20; lff longeso 48.

Nyi unakwasa alongi je a Mbimbiliya hanga ehuke masepa api, watamba kupwa chihomboloji. Muchihasa kupwa chikalu kuli ayo kwecha kupalikisa mashimbu ni masepa jo akulu. Solola ngwo wakwazanga chipwe muze kunwalilongesele Mbimbiliya. Muhasa kuchilinga ha kwasonekena mensagem, kwasanyika ku telefone hanji kuya ni kwameneka. Muze alongi je anayi ni kujama ku ufulielo muhasa kwasanyika hanga apalikise mashimbu ni mandumbu. Chino muchakwasa kumona ngwo kanayuku chinji kuhiana yize atokesa. (Mar 10:29, 30) Ni yena muwahilila chinji hakumona chize usoko wa Yehova unayi ni kutohwa.

SOLOLA CHINEMA, KWASA ALONGI JE A MBIMBILIYA HANGA. . . EHUKE MASEPA API, MBA NUKUMBULULE YIHULA YINO:

• Usepa upi yika unalumbunuka?—1Ko 15:33

• Yika Jade anyonga hakutwala ku yiwanyino yize akwa-Kristu akulinga?

• Kuchi Neeta akwasa Jade kusalakanyisa masepa jenyi?