Masepa Je a ha Internet Aya?

Usepa unalumbunuka ‘kulinunga’ cha umwe mutu ni mukwo ha zango. Chakutalilaho, Jonata ni Ndawichi kaputukile kulikata muze Ndawichi ashihile Ngoliate. (1Sa 18:1) Hita umwe wa kuli ayo kapwile ni yitanga yize te yakwakundamisa kuli umwe ni mukwo. Kashika, usepa ukolo wakukatuka ha chinyingi chize mutu ali nacho hali mukwo. Kunyingika mutu kanawa chakumbata mashimbu ni tachi. Alioze, “masepa” a ha internet mutuhasa kupwa no ha kupola wika ha computador. Ha internet atu kali ni uhashi wakululieka yize mamba ni kunyingika chize akwo akwamona, kashika chili chashi ayo kusweka chize apwa. Kashika, twatamba kukeya ha kusakula masepa jetu ha internet. Kanda wivwa woma wakulituna atu waze kuwanyingikine muze makwita usepa ha internet hanji kulipikala ha chize ayo mevwa. Mumu lia ponde atu anji keshi kuzachisa redes social hanga alikate ni atu. Hachino, nyi wakwata chiyulo cha kuzachisa redes social, yika watamba kunyingika?

SOLOLA CHINEMA, KANYAMA HA KUZACHISA INTERNET, MBA NUKUMBULULE YIHULA YINO:

• 

  Yika watamba kunyingika shimbu kanda uchisa amwe maliji hanji foto ha internet?

• 

  Mumu liaka watamba kukeya ha kusakula masepa je ha internet?

• 

  Mumu liaka watamba kutesa unji wa mashimbu waze mulinga ha internet?—Efw 5:15, 16