MWONO WA AKWA-KRISTU
Jikijila Muli Yehova Muze Akwenu Makusosomba
Kusosomba chakuvwisa mutu yikola ku mbunge. Chikwo nawa muze akwetu matusosombo mumu lia uwayilo wetu, chino muchihasa kutepulula ufulielo wetu. Kuchi muhasa kulifunga muze akwenu makusosomba?
Anji a kuli Yela ja Yehova kahashile kupwa ni nyonga lialita ha kujikijila kuli Yehova muze te akwasosomba. (Sam 18:17) Chakutalilaho, Estere kalitwaminyine kusolola yize umwe mutu mupi avuluka ngwo Hamane azangile kulinga. (Es 7:1-6) Shimbu ahanjike, Estere kasolwele ujikijilo wenyi hali Yehova ha kulitwamina kulia. (Es 4:14-16) Yehova kawahishile tachi jenyi ni kumufunga hamuwika ni atu jenyi.
Akweze, muze akwenu manusosomba, etenu ukwaso kuli Yehova ni kuhanjika ni yisemi jenu hanji umwe mukulwana yoze wajama hakutwala ku yize nunapalika. Pwenu ni shindakenyo ngwenu, Yehova manukwasa ngwe chize akwashile Estere. Yika munuhasa kulinga mba nupwe ni nyonga lialita muze akwenu manusosomba?
SOLOLA CHINEMA, MUZE NGUCHILI KANUKE—KUCHI MUNGUHASA KUKUMBA MUZE AKWETU MANGUSOSOMBA? MBA NUKUMBULULE YIHULA YINO:
Yika akweze mahasa kulilongesa ha chilweza cha Charlie ni Ferin?
Yika yisemi mahasa kulilongesa ha yize Charlie ni Ferin ambile hakutwala ku chize yisemi mahasa kukwasa ana jo muze maasosomba?