Atu Waze Ajama ku Ufulielo Kakukwata Yiyulo ya Mana

Tanga Uputukilo 25:29-34 hanga umone nyi Esau ni Yakomba kakwachile yiyulo ya mana.

Wana sango jinji ha kuhengola lusango mweswe. Yika yaliangile kulingiwa kuli ayo? (Uputu. 25:20-28) Yika yalingiwile hanyima?—Uputu. 27:1-46.

Hengwola tuyikuma tuli ha lusango wacho. Ha mashimbu jacho, ulite uka ni yiteli yize apwile nayo mwana mutangu?—Uputu. 18:18, 19; w10 5/1 13.

• Shina mutu te katamba kupwa mwana mutangu mba apwe kalamba ka Mesaya? (w17.12 14-15)

Nyonga ha malongeso waze wawana ni kwakaula ku mwono we. Mumu liaka chiwape cha ukulwana chapwile chilemu chinji kuli Yakomba kuhiana kuli Esau? (Hepre. 12:16, 17; w03 10/15 28-29) Yika Yehova apwile ni kunyonga hali Yakomba ni Esau, nawa mumu liaka? (Mala. 1:2, 3) Yika kachi Esau alingile hanga akwate yiyulo yipema?

• Lihule ngwe, ‘Kuchi hita poso munguhasa kusolola ngwami, kuwayila Yehova chili chuma chilemu ku mwono wami ha kusa mashimbu hanga ngulinge uwayilo wa mu usoko?’