Nyonga ha Yikuma Yilemu

Shina hiunapu kama ni kapinda wa kwiwuluka chimwe chikuma chize walilongesele? Ha mashimbu amwe, yino yakulingiwa kuli yetu eswe. Yika muyihasa kukukwasa? Nyonga ha yikuma yilemu.

Muze unalilongesa, mana-mana ndambu hanga usoneke yikuma yilemu. Postolo Paulu kakwashile atu waze te matanga mikanda yenyi hanga akaule chikuma chino hakwamba ngwenyi: “Chino che chikuma chinene.” (Hepre. 8:1) Ni maliji wano, iye yakwasa atu waze te matanga mikanda yenyi akaule manyonga jenyi ni kunyingika chize hita chikuma chinakwate ha chikuma chinene hanji ngwetu chilemu.

Muhasa kusa amwe mashimbu hanyima lia longeso lie lia wika, hanji minuto kumi hanga unyonge hakehe ha yikuma yilemu yize walilongesa. Nyi wahashile kuyiuluka, konga nawa liso ha yikuma yilemu (kanji-kanji kapwa maliji atangu mu paragrafu) yize walilongesa. Nyi wachilinga, mukwasa manyonga je hanga afunge yize walilongesa. Nyi ngwe walilongesa chimwe chuma chaha, eseka kulumbununa chikuma chacho mu maliji je. Kuhengola yikuma yilemu, muchikwasa manyonga je ni kukukwasa hanga umone kanawa chize sango jacho mujikukwasa ku mwono we.