Mumu Liaka Jita ni Mbwanja Muyichinunga?

SHILI

Zambi katangile yisemi jetu atangu Alama ni Eva mu chifwa chenyi. (Uputukilo 1:27) Chino chinalumbunuka ngwo, mutuhasa kwimbulula yitanga yipema ya Zambi, ngwe sambukila ni zango. (1 A-Korindu 14:33; 1 Yoano 4:8) Alioze, Alama ni Eva kavulumwine mumu kechele kwononokena Zambi. Mumu lia yize ayo alingile, yetu eswe yituhinga shili ni kufwa. (A-Roma 5:12) Chikwo nawa, shili yacho ye yakututwala hanga tupwe ni manyonga api ni kulinga yuma yipi.—Uputukilo 6:5; Marku 7:21, 22.

MANGUVULU A HASHI

Zambi kakatutangile hanga tuliyule yetu ene. Mbimbiliya yakwamba ngwo: “Kuchatwamine muli mukwa kwenda kusongwela mashimbo jenyi.” (Jeremia 10:23) Kashika, manguvulu kechi kuhasa kuhwisa liakulu jita ni ungulungulu.

SATANA NI ANDEMONIU JENYI

Mbimbiliya yakwamba ngwo: “Hashi heswe kakuyulaho kuli mwe mupi.” (1 Yoano 5:19) “Mwe mupi” wacho, kakumuvuluka ngwo Satana Ndiapu, mumu kali chingalwe. (Yoano 8:44) Iye ni andemoniu jenyi kakupiangula atu hanga ase jita ni kupwa yingulungulu.—Usolwelo 12:9, 12.