Atu Anji Hano Hashi Kanalivu Ukawo—Kuchi Muhasa Kukumba Kapinda Yono?

• “Lusango umwe kanasolola ngwo, mu EUA, atu anji waze hakola kakulivwa chinji ukawo. Chikwo nawa, ni akweze amwe no kanalivu chinji ukawo.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Ululikiso uze watala ha mwono wa atu hashi heswe] wasolola ngwo, chikuma cha atu kulivwa ukawo hichapwa musongo uze unafupiwa ukwaso wa kawashi-washi mu yifuchi yeswe.”—Organização Mundial da Saúde, 15 ya Novembro, 2023.

Mu Mbimbiliya muli yiyulo yipema yize muyitukwasa kulinga usepa uze muutukwasa tuhone kulivwa ukawetu.

Yiyulo ya mu Mbimbiliya yize muyihasa kukwasa

Tepulula yuma yize yakukuhandununa chinji ni akwenu. Yuma yacho yinachingi kunjila chinji ha internet hanji ha rede social. Shimbu ulihane chinji ku yuma yacho, fupa mashimbu hanga upwe hamuwika ni atu ni kulinga usepa.

• Chiyulo cha mu Mbimbiliya: “Sepa lia mutu kakuzanga matangwa eswe; alioze ha tangwa lia lamba he hakusemukina uyaya.”—Yishima 17:17.

Fupa majila akukwashilamo akwenu. Kulingila akwenu yuma yipema, kuchichi kukolesa wika usepa, alioze muchikuvwisa nawa kuwaha.

• Chiyulo cha mu Mbimbiliya: “Kuhana chakuneha uwahililo unji kuhiana kutambula.”—Yilinga 20:35.

Meneka site yetu hanga uwane sango jinji jinakatuka mu Mbimbiliya jize mujikukwasa kulinga usepa upema ni akwenu.