Yesu Makahwisa Jita Yeswe

Muze apwile hano hashi, Yesu kasolwele zango linene hali atu ni kuhana mwono wenyi hali ayo. (Mateu 20:28; Yoa. 15:13) Kwasala hakehe, iye masolola cheka zango liacho hali atu ha kukalakalisa chiyulo chize ali nacho ngwe Mwanangana mu Wanangana wa Zambi, hanga ahwise ‘jita jeswe hano hashi.’—Samu 46:9.

Tala yize Mbimbiliya yakwamba hakutwala ku yize Yesu makalinga:

• “Kumakapulula mukwa-kuhona muze mateta; ni chiswale yoze keshi chikwashi. Chiswale ni mukwa-kuhona kumakaavwila keke. Kumakalamwina mwono wa waze anahono. Kumakakuula mwono wo ku yihungumiona ni uswi.”—Samu 72:12-14.

Kuchi mutuhasa kusolola usakwililo wetu ha yize Yesu atulingilile ni ha yize makatulingila kulutwe? Jila yimwe ya kuchilingila, yili kulilongesa yuma yinji hakutwala ku “sango jipema ja Wanangana wa Zambi,” jize Yesu apwile ni kwambujola. (Luka 4:43) Tanga chikuma, “O que é o Reino de Deus?”