Iya Muhasa Kujikijila?—Yika Mbimbiliya Yakulongesa?

Atu kakuhonga muze akumona atu waze te atamba kujikijila malinga yuma yize o te keshi ni kushimbwila. Atu anji hecha kujikijila . . 

• akwa-mafwefwe waze akusa yuma yo ene kulutwe kuhiana ya akwo.

• akwa-sango waze keshi kuhanjika nawa yuma yamwenemwene.

• akwa-mana a hano hashi waze akulinga yuma hanga aliyukise ene.

• mangana a mayingeleja waze akulinjisa mu yuma ya mafwefwe chakuhona kulingila Zambi.

Chinalite atu kuhengwola hanga amone yoze mahasa kujikijila. Mbimbiliya yinatoweza ngwo:

• “Kanda nufuliela yilolo, hanji umwe mwana mutu yoze keshi kuhasa kukwasa.”—Samu 146:3.

Mutu yoze muhasa kujikijila

 Mbimbiliya yakuhanjika hali mutu yoze muhasa kujikijila: Yesu Kristu. Iye keshi wika mutu mupema yoze watwamine hano hashi. Zambi katongwele Yesu hanga ‘akayule ngwe Mwanangana . . . , nawa Wanangana wenyi kuuchi kahwa.’ (Luka 1:32, 33) Yesu kali Mwanangana mu Wanangana wa Zambi, unguvulu uze unayulu haliapwila mu malilu.—Mateu 6:10.

• Mba unyingike mumu liaka watamba kujikijila muli Yesu, tanga chikuma “Iya Mwanangana mu Wanangana wa Zambi?” ni chikuma “Yika Wanangana wa Zambi Muukalinga?”